ஐயோ பாவம்… திருமண வீட்டில் உயிரைப் பறித்த DJ சத்தம்… சந்தோஷமாக நடனமாடிய அடுத்த நிமிடம்… 17 வயது மாணவன் சுருண்டு விழுந்து பலி… நெஞ்சைப் பிழியும் சோகம்…!

நாராயணன்பேட்டை மாவட்டம், கோஸ்கி நகராட்சிக்கு உட்பட்ட பொத்திரெட்டிப்பள்ளி கிராமத்தைச் சேர்ந்த தஸ்தய்யா – லட்சுமி தம்பதியரின் 17 வயது மகன் ரவிதேஜா. இன்டர்மீடியட் மாணவனான இவர், தனது நண்பர் வீட்டில் நடைபெற்ற திருமண விழாவில் கலந்துகொள்வதற்காக இரவு நேரத்தில் அங்கு சென்றுள்ளார்.

நண்பர் வீட்டுத் திருமணக் கொண்டாட்டத்தின் போது, அதிக சத்தத்துடன் ஒலிக்கப்பட்ட டிஜே இசைக்கு நடனமாடிக்கொண்டிருந்த ரவிதேஜா திடீரென மயங்கி விழுந்துள்ளார். உடனடியாக அவரது நண்பர்களும் அங்கிருந்தவர்களும் அவரை கோஸ்கி அரசு மருத்துவமனைக்குக் கொண்டு சென்றனர். ஆனால், அவரைப் பரிசோதித்த மருத்துவர்கள் அவர் ஏற்கனவே மாரடைப்பால் உயிரிழந்துவிட்டதாகத் தெரிவித்தனர்.

அதிவேக அதிர்வுகளை ஏற்படுத்தும் டிஜே இசையால் இதுபோன்று பல உயிரிழப்புகள் ஏற்கனவே நிகழ்ந்துள்ளன. அதிக சத்தம் எழுப்பும் டிஜேக்களைப் பயன்படுத்தக் கூடாது என அரசுகள் தொடர்ந்து எச்சரித்து வந்தாலும், மக்கள் அதனைப் பொருட்படுத்தாமல் டிஜே இன்றி எந்தவொரு நிகழ்ச்சியையும் நடத்துவதில்லை என்பதே தற்போதைய சோகமாக உள்ளது.