இந்தோனேஷியாவின் பலெம்பாங் பகுதியில் 13 வயது சிறுமி பாலியல் வன்கொடுமை செய்யப்பட்டு படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. பலூன் விற்றுத் தன் குடும்பத்திற்கு உதவி வந்த அச்சிறுமியை, நான்கு சிறுவர்கள் கொண்ட கும்பல் ஒன்று திட்டமிட்டு கலை நிகழ்ச்சி நடைபெறும் இடத்திற்கு வரவழைத்துள்ளது. பின்னர், அருகிலுள்ள மயானப் பகுதிக்கு அழைத்துச் சென்று அவளது வாய் மற்றும் மூக்கை மூடி மயக்கமடையச் செய்து கொடூரமான குற்றத்தைச் செய்துள்ளனர்.
செல்பேசியில் ஆபாசப் படங்களைப் பார்த்த பிறகே இச்சிறுவர்கள் இக்குற்றத்தைத் திட்டமிட்டு நடத்தியதாக விசாரணையில் தெரியவந்துள்ளது. குற்றத்திற்குப் பிறகு, சிறுமியின் உடலை மற்றொரு இடத்திற்குச் சுமந்து சென்று மீண்டும் அநீதி இழைத்த அக்கூட்டம், பின்னர் ஏதும் நடவாதது போல கலை நிகழ்ச்சிக்குத் திரும்பியுள்ளது. மேலும், இக்கொடூரச் செயலைத் தங்களது நண்பர்களிடம் கூறி அவர்கள் பெருமைப்பட்டுக்கொண்டதாகவும் தகவல்கள் தெரிவிக்கின்றன.
https://twitter.com/mominoga/status/2105278091312656804/video/1
சம்பவ இடத்தில் கூடியிருந்த பொதுமக்கள், “தயவுசெய்து பின்வாங்குங்கள், தடயங்கள் அழியாதவாறு விலகி நில்லுங்கள்” என காவல்துறை மற்றும் மீட்புக் குழுவினரின் அறிவுறுத்தல்களுக்கு இடையே சோகத்துடன் பேசிக் கொண்டனர். சிறுமியின் பையிலிருந்த உடற்பயிற்சி உடைகளைப் பார்த்து, “அவள் வீடு திரும்பும் வழியில் தான் இது நடந்திருக்க வேண்டும்” என்றும், அவளது பரிதாப நிலையை எண்ணி அப்பகுதி மக்கள் மிகுந்த மனவேதனை அடைந்தனர்.