2026 தமிழக சட்டமன்றத் தேர்தலை முன்னிட்டு, அம்மா மக்கள் முன்னேற்றக் கழகத்தின் (அமமுக) வேட்பாளர் பட்டியலை அக்கட்சியின் பொதுச்செயலாளர் டி.டி.வி. தினகரன் இன்று வெளியிட்டதோடு, மக்களின் கவனத்தை ஈர்க்கும் வகையிலான முக்கிய தேர்தல் வாக்குறுதிகளையும் அறிவித்தார். குறிப்பாக, இளைஞர்கள் மற்றும் மாணவர்களின் நலனை மையப்படுத்தி வேலையில்லா பட்டதாரிகளுக்கு மாதம் ரூ.3,000 உதவித்தொகை வழங்கப்படும் என்றும், அரசு மற்றும் அரசு உதவி பெறும் கலை மற்றும் அறிவியல் கல்லூரிகளில் பயிலும் மாணவர்களின் கல்விக்கட்டணம் முழுமையாக ரத்து செய்யப்படும் என்றும் அவர் உறுதியளித்துள்ளார்.
மேலும், சமூகத்தின் விளிம்புநிலை மக்களான திருநங்கைகள் சுயதொழில் தொடங்க வட்டியில்லா கடன் வசதி மற்றும் ஆண்களும் பொருளாதார ரீதியாக முன்னேற ஏதுவாக அவர்களுக்கென தனியாக ‘ஆண்கள் சுய உதவிக் குழுக்கள்’ அமைத்து நிதியுதவி வழங்கப்படும் போன்ற அதிரடித் திட்டங்கள் இந்தத் தேர்தல் அறிக்கையில் இடம்பெற்றுள்ளன.