மிஸ் பண்ணிடாதீங்க!.. 18 வயது முடிந்த பெண் குழந்தைகளா?… உங்களுக்கான முதிர்வுத் தொகை தயார் – மாவட்ட ஆட்சியர் அதிரடி அறிவிப்பு…!!

தமிழ்நாடு அரசின் முதலமைச்சரின் பெண் குழந்தைகள் பாதுகாப்புத் திட்டத்தின் கீழ் பதிவு செய்து 18 வயது நிறைவடைந்தும் இன்னும் முதிர்வுத் தொகையைப் பெறாத பயனாளிகள், தங்களது முதிர்வுத் தொகையைப் பெற்றுக்கொள்ளுமாறு அரசு அறிவுறுத்தியுள்ளது. இது தொடர்பாகத் தஞ்சாவூர் மற்றும் திருப்பத்தூர் மாவட்ட ஆட்சியர்கள் முக்கிய அறிவிப்புகளை வெளியிட்டுள்ளனர்.

தஞ்சாவூர் மாவட்டத்தைச் சேர்ந்த தகுதியான பயனாளிகளின் விவரங்கள் அடங்கிய பட்டியல்கள் சமூக நலத்துறையிடமிருந்து பெறப்பட்டு, மாவட்டத்தின் அதிகாரப்பூர்வ இணையதளத்தில் thanjavur.nic.in பதிவேற்றம் செய்யப்பட்டுள்ளன. இந்தப் பட்டியலில் இடம்பெற்றுள்ள பயனாளிகள் தங்களது அசல் வைப்புத்தொகை ரசீது, பத்தாம் வகுப்பு மதிப்பெண் சான்றிதழ், வங்கிக் கணக்கு புத்தகத்தின் நகல் மற்றும் பாஸ்போர்ட் அளவு புகைப்படம் ஆகிய ஆவணங்களுடன் மாவட்ட சமூக நல அலுவலகத்தை நேரில் அணுகி இந்த முதிர்வுத் தொகையைப் பெற்றுப் பயன்பெறலாம்.

இதேபோன்று, திருப்பத்தூர் மாவட்டத்தில் முதிர்வுத் தொகை பெற தகுதியிருந்தும் இதுவரை கண்டறிய முடியாத 903 பயனாளிகளின் பெயர்கள் மாவட்ட இணையதளத்தில் tirupathur.nic.in வெளியிடப்பட்டுள்ளன. பட்டியலில் பெயர் உள்ளவர்கள் அசல் வைப்புத்தொகை பத்திரம் மற்றும் அதன் நகல், பத்தாம் வகுப்பு சான்றிதழ், பயனாளியின் பெயரிலான வங்கிக் கணக்கு புத்தகம், பிறப்புச் சான்றிதழ், ஆதார் அட்டை நகல் மற்றும் புகைப்படம் ஆகிய ஆவணங்களை திருப்பத்தூர் மாவட்ட ஆட்சியர் அலுவலக வளாகத்தில் உள்ள மாவட்ட சமூகநல அலுவலகத்தில் (B-பிளாக், முதல் தளம்) சமர்ப்பிக்க வேண்டும். மேலும் விவரங்களுக்கு 04179299561 என்ற தொலைபேசி எண்ணைத் தொடர்பு கொள்ளலாம்.