பெரும் சோகம்..! மகனை பார்க்காமலேயே பிரிந்த உயிர்.. யூடியூபர் சவுக்கு சங்கரின் தாயார் காலமானார்..!!

பிரபல யூடியூபர் சவுக்கு சங்கரின் தாயார் கமலா (72) அவர்கள், உடல்நலக்குறைவு காரணமாக சென்னையில் இன்று காலமானார். கடந்த சில நாட்களாக வயது முதிர்வு மற்றும் உடல்நலப் பாதிப்புகளால் சிகிச்சை பெற்று வந்த நிலையில், அவரது உயிர் பிரிந்தது. சவுக்கு சங்கர் பல்வேறு வழக்குகளில் கைது செய்யப்பட்டு சிறையில் இருந்தபோதும், பின்னர் பிணையில் வெளிவந்த காலக்கட்டங்களிலும், அவரது தாயார் தன் மகனுக்காகத் தொடர்ந்து சட்டப் போராட்டங்களை முன்னெடுத்து வந்தவர் என்பது குறிப்பிடத்தக்கது.

தனது மகனை மீண்டும் ஒருமுறை முழுமையாகப் பார்த்துவிட வேண்டும் என்ற ஏக்கத்துடனேயே அவர் உயிர் பிரிந்ததாகக் கூறப்படுகிறது. சவுக்கு சங்கர் அண்மையில் ஆந்திராவில் கைது செய்யப்பட்டு சிறையில் அடைக்கப்பட்டிருந்த நிலையில், தாயின் மறைவுச் செய்தி கேட்டு அவரது குடும்பத்தினர் மற்றும் ஆதரவாளர்கள் பெரும் சோகத்தில் ஆழ்ந்துள்ளனர். தாயின் இறுதிச் சடங்கில் பங்கேற்பதற்காகச் சவுக்கு சங்கர் தரப்பில் பரோல் கோரி விண்ணப்பிக்கப்படலாம் என்று எதிர்பார்க்கப்படுகிறது.