அண்ணன் மனைவியின் கழுத்தை பிடித்து இழுத்து வந்த கொழுந்தன்…. தலையை துண்டித்து கொன்ற மாமனார்… சொத்து தகராறில் கொடூரம்…. குலை நடுங்க வைக்கும் பயங்கரம்…!!

தெலங்கானா மாநிலத்தில் 1.5 ஏக்கர் நிலத் தகராறு காரணமாக, தெருவில் நடந்து சென்ற மருமகளை அவரது மாமனாரும் மைத்துனர்களும் சேர்ந்து வீட்டிற்கு இழுத்துச் சென்று கழுத்தை அறுத்துக் கொடூரமாகக் கொலை செய்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.

தெலங்கானா மாநிலம் மெஹ்பூப் நகர் மாவட்டம் ஓபுலயபள்ளி கிராமத்தைச் சேர்ந்தவர் சுனிதா (28). இவருக்கு 12 ஆண்டுகளுக்கு முன்பு பல்ராம் என்பவருடன் திருமணம் நடைபெற்ற நிலையில், கணவருக்கு மனநலம் பாதிக்கப்பட்டதால் ஏற்பட்ட பிரச்சனை காரணமாக கிராமப் பெரியவர்கள் முன்னிலையில் 1.5 ஏக்கர் நிலம் சுனிதா பெயரில் எழுதி வைக்கப்பட்டது. இந்த விவகாரத்தில் பல்ராமின் சகோதரர்களான பாண்டு நாயக் மற்றும் மான்யா நாயக் ஆகியோருக்குக் சுனிதாவின் மீது கடும் கோபம் இருந்துள்ளது.

இந்நிலையில், கடந்த ஒரு மாதத்திற்கு முன்பு தன் குழந்தைகளுடன் சிந்தல் தண்டா கிராமத்தில் வசித்து வந்த சுனிதா, வழக்கம் போல் தனது தோட்டத்திற்கு நடந்து சென்று கொண்டிருந்தார். அப்போது அவரது மாமனார் மாணிக்ய நாயக், மைத்துனர்கள் மான்யா நாயக், பாண்டு நாயக் மற்றும் பாண்டுவின் மனைவி பார்வதி ஆகியோர் அவரை வழிமறித்துத் தங்கள் வீட்டிற்கு வலுக்கட்டாயமாக இழுத்துச் சென்றுள்ளனர்.

அங்கு அவர்கள் சுனிதாவைக் கத்தியால் தாக்கித் தலையைத் துண்டித்துக் கொடூரமாகக் கொலை செய்துள்ளனர். சுனிதாவின் தந்தை வல்யா நாயக் அளித்த புகாரின் அடிப்படையில் வழக்குப் பதிவு செய்துள்ள காவல்துறையினர், தலைமறைவாக உள்ள கொலையாளிகளைத் தேடி தனிப்படை அமைத்து தீவிர விசாரணை நடத்தி வருகின்றனர்.