மறுநாளே வந்த காணாமல் போன சிறுவன்…! “விலா எலும்பு முறிந்து…” உச்சகட்ட சித்திரவதையால் துடித்த வாலிபர்… ஆடியோ ஆதாரத்தால் அம்பலமான கொடூரம்…!!

கேரள மாநிலம் கொல்லம் மாவட்டம் குண்டறை பகுதியைச் சேர்ந்த 38 வயதான சியாத் என்பவர், அண்டை வீட்டுச் சிறுவன் காணாமல் போனது தொடர்பான விசாரணைக்காகக் காவல்துறையினரால் அழைத்துச் செல்லப்பட்டார். மறுநாள் காலை சிறுவன் பத்திரமாக வீடு திரும்பியதைத் தொடர்ந்து சியாத் விடுவிக்கப்பட்டாலும், லாக்கப்பில் காவல்துறையினர் நடத்திய கொடூரமான தாக்குதலால் அவரது விலா எலும்பு முறிந்து தீவிர தொற்று ஏற்பட்டது. மருத்துவமனையில் அனுமதிக்கப்பட்டு சிகிச்சை பெற்று வந்த அவர், சிகிச்சை பலனின்றி பரிதாபமாக உயிரிழந்தார்.

இச்சம்பவம் குறித்து சியாத்தின் குடும்பத்தினர் அளித்த புகாரின் பேரில், குற்றப்பிரிவு காவல்துறை விசாரணைக்கு உத்தரவிடப்பட்டுள்ளது. மேலும், காவல்துறையினரின் சித்திரவதையைக் கண்டித்து சியாத்தின் மகள் பேசிய தொலைபேசி உரையாடல் ஆடியோவும் சமூக வலைதளங்களில் வெளியாகி பெரும் பரப்ரப்பை ஏற்படுத்தியுள்ளது. இச்சம்பவத்திற்குக் காரணமான அதிகாரிகள் மீது கடுமையான நடவடிக்கை எடுக்க வேண்டும் என எதிர்க்கட்சிகள் வலியுறுத்தி வரும் நிலையில், மனித உரிமை மீறலில் ஈடுபட்ட எந்த அதிகாரியையும் அரசு பாதுகாக்காது என அம்மாநில அமைச்சர்கள் உறுதியளித்துள்ளனர்.