“உன்கூட தனியா பேசணும்…” நண்பராக நினைத்த இளம்பெண்… ஹோட்டலுக்கு அழைத்து சென்று கழுத்தை நெரித்து கொன்ற வாலிபர்…. நடுங்க வைக்கும் பரபரப்பு பின்னணி…!!

பஞ்சாப் மாநிலம் அமிர்தசரஸ் பகுதியில் உள்ள ஓட்டல் ஒன்றில் காதலை ஏற்க மறுத்த 20 வயது இளம்பெண் கொடூரமான முறையில் கழுத்து நெரித்துக் கொல்லப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது. கடந்த 2025 ஆம் ஆண்டு படிப்புக்காக ரஷியா சென்ற தருன்பிரீத் கவுர் என்ற மாணவிக்கு அங்கு ரிதிக் என்பவருடன் பழக்கம் ஏற்பட்டுள்ளது. ரிதிக் காதலைத் தெரிவித்தபோது, தருன்பிரீத் அதனை அன்பாக மறுத்து நண்பர்களாக மட்டும் தொடரலாம் என்று கூறியியுள்ளார்.

ஆனால், அதனை ஏற்க மறுத்த ரிதிக் தொடர்ச்சியாகத் தொல்லை கொடுத்து அவரது பாஸ்போர்ட்டையும் பறித்துக்கொண்டதால், பெற்றோரின் உதவியுடன் புதிய பாஸ்போர்ட் பெற்று தருன்பிரீத் இந்தியா திரும்பியுள்ளார். இந்தியாவில் பின்தொடர்ந்து வந்து மீண்டும் தொல்லை கொடுத்த ரிதிக், பேச வேண்டும் என்று கூறி அமிர்தசரஸில் உள்ள ‘கோஸி ஓட்டலுக்கு’ தருன்பிரீத்தை வரவழைத்துள்ளார். அங்கு திருமணம் குறித்து மீண்டும் வாக்குவாதம் முற்றிய நிலையில், ஆத்திரமடைந்த ரிதிக் தருன்பிரீத்தைக் கழுத்தை நெரித்துக் கொன்றுவிட்டுத் தப்பியோடியுள்ளார். பெற்றோரின் புகாரின் பேரில் வழக்குப் பதிவு செய்துள்ள காவல்துறையினர் தலைமறைவான வாலிபரைத் தீவிரமாகத் தேடி வருகின்றனர்.