மெடிக்கல் ஷாப்பிற்கு சென்ற கணவர்…. ஸ்கூட்டியில் இருந்த பெண்ணுக்கு காத்திருந்த அதிர்ச்சி…. பட்டப்பகலில் நடந்த பகீர் சம்பவம்…. திக் திக் வீடியோ வைரல்…!!

ராஜஸ்தான் மாநிலம் ஜெய்ப்பூரில் உள்ள துர்காபுரா சந்தைப் பகுதியில் வெள்ளிக்கிழமை மாலையில் பட்டப்பகலில் நெஞ்சை உலுக்கும் வழிப்பறிச் சம்பவம் ஒன்று நடந்துள்ளது. சங்கனேரைச் சேர்ந்த மோனா ஜெயின் என்ற பெண்மணி, தனது கணவர் மருந்தகத்திற்குச் சென்றிருந்த போது ஸ்கூட்டரில் காத்துக் கொண்டிருந்தார்.

அப்போது அங்கு வந்த பைக் கொள்ளையர்களில் ஒருவன், மோனா ஜெயினுக்குத் தெரியாமல் பின்னால் வந்து அவரது கழுத்தில் இருந்த தங்கச் சங்கிலியைப் பாய்ந்து பறித்துள்ளான். திடீர் தாக்குதலால் நிலைதடுமாறிய போதிலும், அந்தப் பெண்மணி மனஉறுதியுடன் சாதுரியமாகச் சமாளித்து, சங்கிலியைப் பறித்துக் கொண்டு ஓடிய திருடனைத் துணிச்சலாகப் பின்தொடர்ந்து விரட்டிச் சென்றுள்ளார்.

ஆனால், அந்தத் திருடன் அருகே காத்திருந்த தனது கூட்டாளியின் பைக்கில் ஏறித் தப்பிச் சென்றுவிட்டான். சந்தையில் பொதுமக்கள் பலர் வேடிக்கை பார்த்துக் கொண்டிருந்தபோதே நடந்த இந்தத் துணிச்சலான வழிப்பறிச் சம்பவம் முழுவதும் அங்குள்ள சிசிடிவி கேமராவில் பதிவாகியுள்ளது. இச்சம்பவம் குறித்து பஜாஜ் நகர் போலிஸார் வழக்குப் பதிவு செய்து, சிசிடிவி காட்சிகளின் அடிப்படையில் தப்பியோடிய இரு கொள்ளையர்களையும் தீவிரமாகத் தேடி வருகின்றனர்.