ரீல்ஸ் மோகம்: ஓடும் டிராக்டரில் இருந்து குதித்த வாலிபர்… அடுத்த நொடியே நடந்த நெஞ்சை பதறவைக்கும் விபத்து…!!

சமூக ஊடகங்களான இன்ஸ்டாகிராம், யூடியூப் மற்றும் ஃபேஸ்புக் போன்றவற்றில் ரீல்ஸ் செய்து விரைவாகப் பிரபலமடைய வேண்டும் என்ற ஆசையில் பலர் ஆபத்தான செயல்களில் ஈடுபட்டு வருகின்றனர். அதிக லைக்குகள் மற்றும் பார்வைகளைப் பெற வேண்டும் என்பதற்காகத் தங்கள் உயிரையும் பொருட்படுத்தாமல் ஆபத்தான ஸ்டண்டுகளைச் செய்கின்றனர். அப்படி ஒரு இளைஞர் டிராக்டரை வைத்துச் செய்த ஆபத்தான ஸ்டண்ட் விபத்தில் முடிந்த வீடியோ தற்போது சமூக வலைதளங்களில் வைரலாகி வருகிறது.

அந்த வைரல் வீடியோவில், ஒரு இளைஞர் தனது டிராக்டரை ஸ்டார்ட் செய்து, அதை கியரில் போட்டுவிட்டு ஓடும் வண்டியிலிருந்து கீழே இறங்குகிறார். ஓடும் டிராக்டருடன் ஏதோ ஒரு ஸ்டைலான போஸ் கொடுக்கவோ அல்லது அருகில் நடந்து சென்று வீடியோ எடுக்கவோ அவர் திட்டமிட்டிருக்கலாம். ஆனால், அவர் கீழே இறங்கிய அடுத்த கணமே அந்த கனரக டிராக்டர் கட்டுப்பாட்டை இழந்து, அதிவேகமாக வயல்வெளிகளை நோக்கி ஓடத் தொடங்கியது. ஓட்டுநர் இல்லாததால் அதை யாராலும் தடுக்க முடியவில்லை.

கட்டுப்பாடின்றி வயல்வெளிகளில் பாய்ந்த அந்த டிராக்டர், கண் இமைக்கும் நேரத்தில் அங்கிருந்த ஒரு ஆழமான பள்ளத்தில் தலைகீழாகக் கவிழ்ந்தது. இதில் பல லட்சங்கள் மதிப்புள்ள அந்த டிராக்டர் நொறுங்கி உருக்குலைந்தது. நல்வாய்ப்பாக, இந்த விபத்தில் யாருக்கும் எந்தக் காயமும் ஏற்படவில்லை மற்றும் டிராக்டரை ஓட்டிய இளைஞரும் சமயோசிதமாக விலகி உயிர் தப்பினார். இந்த அதிர்ச்சியூட்டும் வீடியோ தற்போது எக்ஸ் தளத்தில் ‘ராஷ்பிந்தர் ப்ரார்’ என்பவரால் பகிரப்பட்டு இணையத்தில் வேகமாகப் பரவி வருகிறது.