“குறுக்கே வந்த நாய்…” பைக் சரிந்து லாரி சக்கரத்தில் சிக்கி வாலிபர் பரிதாப பலி… சஹாரன்பூரில் அரங்கேறிய கோர விபத்து…!!

உத்தரப்பிரதேசம் மாநிலம் சஹாரன்பூர் பகுதியில் உள்ள பிரதாப் மார்க்கெட் அருகே இன்று காலை நடைபெற்ற பயங்கர விபத்து ஒன்று அப்பகுதியில் பெரும் சோகத்தை ஏற்படுத்தியுள்ளது. நபர் ஒருவர் தனது பைக்கில் சென்று கொண்டிருந்த போது, திடீரென எதிர்பாராதவிதமாக ஒரு நாய் குறுக்கே வந்துள்ளது. இதனால் நிலைதடுமாறி கீழே விழுந்த அந்த வாலிபரின் தலை மீது, பின்னால் வந்த லாரி எதிர்பாராதவிதமாக ஏறி இறங்கியுள்ளது.

தலை நசுங்கி அவர் சம்பவ இடத்திலேயே பரிதாபமாக உயிரிழந்தார். விபத்து குறித்துத் தகவலறிந்த காவல்துறையினர், பைக்கின் எண்ணைக் கொண்டு உடனடியாக அவரது குடும்பத்தினருக்குத் தகவலைத் தெரிவித்துள்ளனர். காலை வேளையில் கண் இமைக்கும் நேரத்தில் அரங்கேறிய இந்தத் துயரச் சம்பவம் அப்பகுதி மக்களையும் இணையவாதிகளையும் கடும் அதிர்ச்சியிலும் சோகத்திலும் ஆழ்த்தியுள்ளது.