“பெண் மீது சிந்திய பீர்…” என் புருஷன இப்படி பண்ணிட்டாங்களே…! கதறி அழுத மனைவி… நைட் கிளப்பில் நடந்த கொடூர தாக்குதல்…. மேனேஜர் உள்பட 5 பேர் கைது… பகீர் வீடியோ…!!

தலைநகர் டெல்லியின் சரை ரோஹில்லா பகுதியில் உள்ள நைட் கிளப் ஒன்றிற்கு ரகுவீர் நகரைச் சேர்ந்த தல்ஜித்(29) என்பவர் தனது நண்பர்களுடன் சென்றுள்ளார். அப்போது நண்பர் ஒருவர் தவறுதலாக அங்கே இருந்த பெண் ஒருவர் மீது பீர் சிந்தியதால் இருதரப்புக்கும் இடையே தகராறு ஏற்பட்டுள்ளது. இந்த மோதலில் தலையிட்ட நைட் கிளப்பின் பவுன்சர்கள் மற்றும் மேனேஜர் ஆகியோர் தல்ஜித்தைச் சரமாரியாகத் தாக்கியுள்ளனர்.

தாக்குதலுக்குப் பிறகு வீட்டிற்குத் திரும்பிய தல்ஜித்திற்கு திடீரெனக் கடுமையான உடல்நலக்குறைவு ஏற்பட்டுள்ளது. உடனடியாக அவரது மனைவி அவரை மருத்துவமனைக்கு அழைத்துச் சென்றபோதிலும், சிகிச்சை பலனின்றி அவர் பரிதாபமாக உயிரிழந்தார். இறந்துபோன தல்ஜித்திற்கு மனைவி, 8 வயது மகன் மற்றும் தந்தை உள்ளனர். இச்சம்பவம் தொடர்பாக வழக்குப் பதிவு செய்த டெல்லி வடமேற்குப்பகுதி காவல்துறை துணை ஆணையர் நிஹாரிகா பட் தலைமையிலான போலீசார், பாப்பார் மேனேஜர், அவரது மனைவி மற்றும் 3 பவுன்சர்கள் உட்பட 5 பேரைக் கைது செய்து தீவிர விசாரணை நடத்தி வருகின்றனர்.