தோனி இன்னும் 10 வருஷம் விளையாடணும்… அவரை ஓய்வு பெறச் சொல்ல மற்றவர்கள் யார்..? கொந்தளித்த யுவராஜ் சிங்கின் தந்தை யோக்ராஜ் சிங்..!!

Spread the love

ஐபிஎல் தொடரில் சென்னை சூப்பர் கிங்ஸ் அணிக்காக விளையாடி வரும் 44 வயதான எம்.எஸ். தோனியின் ஓய்வு குறித்து சமூக வலைதளங்களிலும், கிரிக்கெட் விமர்சகர்களிடையேயும் தொடர்ந்து விவாதங்கள் எழுந்து வருகின்றன. குறிப்பாக, சஞ்சு சாம்சன் சிஎஸ்கே அணியில் இணைந்திருப்பதால், 2026-ஆம் ஆண்டு சீசன் தோனிக்குக் கடைசித் தொடராக இருக்கலாம் எனப் பரவலாகப் பேசப்பட்டு வருகிறது.

இந்நிலையில், தோனியின் ஓய்வு குறித்து விமர்சிப்பவர்களுக்கு யுவராஜ் சிங்கின் தந்தை யோக்ராஜ் சிங் கடும் கண்டனம் தெரிவித்துள்ளார். “எம்.எஸ். தோனியை ஓய்வு பெறச் சொல்ல மற்றவர்கள் யார்?” என்று ஆவேசமாக கேள்வி எழுப்பியுள்ள அவர், தோனியின் உடல் தகுதியையும் (Fitness), அவர் விளையாட்டின் மீது கொண்டுள்ள அர்ப்பணிப்பையும் வெகுவாகப் பாராட்டியுள்ளார்.

மேலும் பேசிய அவர், தோனி இன்னும் 10 ஆண்டுகளுக்குத் தொடர்ந்து விளையாட வேண்டும் என்றும், அவரது உடல் வலிமை வியக்கத்தக்க வகையில் இருப்பதாகவும் குறிப்பிட்டுள்ளார். கிரிக்கெட் உலகில் தோனியின் பங்களிப்பிற்குத் தனது மரியாதையைத் தெரிவித்த யோக்ராஜ் சிங், ஓய்வு பெறுவது என்பது முற்றிலும் தோனியின் தனிப்பட்ட முடிவு என்பதை வலியுறுத்தியுள்ளார்.