ஐயோ… நான் செத்துட்டேன்னு நினைச்சேன்… அந்த மந்திரம் தான் என்னைக் காப்பாத்துச்சு… 9 நாட்கள் மரணத்தில் இருந்து மீண்ட தொழிலாளி… நேபாள சுரங்கத்தில் அரங்கேறிய கண் கலங்க வைக்கும் அதிசயம்…!

நேபாளத்தில் உள்ள திரிசூலி 3ஏ நீர்தேக்கத் திட்டப் பகுதியில் ஏற்பட்ட பெருவெள்ளத்தில் சுரங்கத்திற்குள் சிக்கிக் கொண்ட தொழிலாளர்கள் ஒன்பது நாட்களுக்குப் பிறகு பத்திரமாக மீட்கப்பட்டுள்ளனர். இப்பகுதியில் ஏற்பட்ட நிலச்சரிவு மற்றும் வெள்ளப்பெருக்கு காரணமாக சுரங்கப்பாதை மூடப்பட்ட நிலையில், அங்கு பணியில் இருந்த சஞ்சய் ஷா மற்றும் கபீர் மாகர்ஜன் என்ற இரண்டு தொழிலாளர்கள் சுரங்கத்திற்குள் மாட்டிக்கொண்டனர்.

பாதுகாப்புப் படையினர் மேற்கொண்ட தீவிர மீட்பு நடவடிக்கையின் பலனாக, விபத்து நிகழ்ந்து ஒன்பது நாட்களுக்குப் பிறகு இருவரும் உயிருடன் மீட்கப்பட்டனர். இவர்களின் மீட்புப் பணியானது தற்செயலாக கிருஷ்ண ஜெயந்தி திருநாளன்று நடந்தேறியது பலரையும் வியப்பில் ஆழ்த்தியது. இதில் சஞ்சய் ஷா என்ற தொழிலாளர் மீட்கப்பட்ட பிறகு, தான் சுரங்கத்திற்குள் இருளில் தவித்த ஒன்பது நாட்களும் இறைவனின் துணையi நாடுகிற விதமாக ‘ஹரே கிருஷ்ணா’ மந்திரத்தை இடைவிடாமல் உச்சரித்துக் கொண்டே இருந்ததாகத் தெரிவித்தார்.

https://twitter.com/i/status/2095767384795824590

இதற்கிடையில், இந்த கோர விபத்தில் சிக்கி இன்னும் பலர் சுரங்கத்தின் ஆழப்பகுதிகளிலும், பவர்பவுஸ் பகுதியிலும் சிக்கியிருக்கலாம் அஞ்சப்படுகிறது. நேபாள ராணுவத்தினரின் தலைமையில் அதிநவீன உபகரணங்களைக் கொண்டு அங்கு மீட்புப் பணிகள் தொடர்ந்து நடைபெற்று வருவதுடன், இந்தச் சம்பவம் பேரிடரால் பாதிக்கப்பட்ட அந்தப் பகுதி மக்களுக்கு ஒரு சிறு நம்பிக்கையையும் ஆறுதலையும் ஏற்படுத்தியுள்ளது.