ஐயோ சாமி… உயிரைக் காப்பாத்துங்க… துடிதுடிக்க மரத்தில் கட்டி வைத்து… தொழிலாளி அடித்துக் கொலை… வாரணாசியில் அரங்கேறிய நரகவேட்டை… உ . பி – யில் பரபரப்பு…!

உத்தரப் பிரதேச மாநிலம் வாரணாசியில் தொழிலாளி ஒருவர் மரத்தில் கட்டி வைத்து ஈவிரக்கமின்றித் தாக்கிக் கொலை செய்யப்பட்ட சம்பவம் தொடர்பான அதிர்ச்சி ஊட்டும் காணொளி சமூக வலைத்தளங்களில் பரவி வருகிறது. அந்தப் பதறவைக்கும் காட்சிகளில், நான்கு முதல் ஐந்து பேர் கொண்ட கும்பல் அந்த நபரைச் சுற்றி வளைத்து கொடூரமான முறையில் ஆயுதங்களால் தாக்குவது பதிவாகியுள்ளது. இந்தச் சம்பவம் அப்பகுதியில் பெரும் அதிர்ச்சியையும் பாதுகாப்பற்ற சூழலையும் ஏற்படுத்தியுள்ளது.

இந்தக் கொடூரக் கொலைச் சம்பவம் குறித்துத் தகவல் அறிந்ததும் விரைந்து செயல்பட்ட காவல் துறையினர், தீவிர விசாரணை நடத்தி இதுவரை 2 குற்றவாளிகளைக் கைது செய்துள்ளனர். தலைமறைவாக உள்ள மற்ற குற்றவாளிகளைக் கைது செய்வதற்காகத் தனிப்படை அமைக்கப்பட்டு தீவிரத் தேடுதல் வேட்டை முடுக்கி விடப்பட்டுள்ளது. குற்றவாளிகள் மீது கடுமையான சட்டப் பிரிவுகளின் கீழ் நடவடிக்கை எடுக்கப்படும் என்று காவல் துறை அதிகாரிகள் உறுதியளித்துள்ளனர்.

https://twitter.com/RajuSharmajour1/status/2092980119656919537/video/1

மனிதநேயமற்ற முறையில் நடைபெற்ற இந்தத் தாக்குதல் சம்பவத்திற்குப் பல்வேறு தரப்பினரும் தங்களின் கண்டனங்களைப் பதிவு செய்து வருகின்றனர். சட்டம்-ஒழுங்கைப் பாதுகாக்கவும், பொதுமக்களின் பாதுகாப்பை உறுதிப்படுத்தவும் அரசு கூடுதல் முன்னெச்சரிக்கை நடவடிக்கைகளை எடுக்க வேண்டும் என்ற கோரிக்கைகள் வலுத்து வருகின்றன. இவ்வழக்கில் மீதமுள்ள குற்றவாளிகள் விரைவில் கைது செய்யப்பட்டு நீதி நிலைநாட்டப்படும் என்று எதிர்பார்க்கப்படுகிறது.