பகீர்..! “10 கல்யாணம்… துப்பாக்கி ரீல்ஸ்” ராணுவ வீரர்களைக் குறிவைக்கும் கில்லாடிப் பெண்… “ரூ.5 லட்சம் தராட்டி விபச்சார வழக்கு போடுவேன்” – 11-வது கணவனுக்கு வாட்ஸ்அப் மிரட்டல்..!!

மத்தியப் பிரதேச மாநிலம் குவாலியரின் பிஜோலி பகுதியைச் சேர்ந்த ராகுல் ஜாதவ் என்ற வாலிபருக்கும், ஷிவ்புரியைச் சேர்ந்த ராகி ஜாதவ் என்ற பெண்ணுக்கும் கடந்த ஏப்ரல் 14, 2026 அன்று திருமணம் நடந்துள்ளது. திருமணமான இரண்டு மாதங்களிலேயே, தனது மனைவி ஒரு மோசடிப் பேர்வழி என்றும், தன்னை ஏமாற்றிவிட்டு நகைகளுடன் ஓடிவிட்டதாகவும் ராகுல் குவாலியர் காவல் கண்காணிப்பாளரிடம் (SP) புகார் அளித்துள்ளார். மேலும், தனக்கு ஏதேனும் ஆபத்து நேர்ந்தால் அதற்குத் தன் மனைவியே பொறுப்பு என்றும் அவர் அச்சம் தெரிவித்துள்ளார்.

பாதிக்கப்பட்ட ராகுல் அளித்த புகாரில், தனது மனைவி ராகி இதுவரை சுமார் 10 பேரைத் திருமணம் செய்து ஏமாற்றியுள்ளதாகக் குறிப்பிட்டுள்ளார். இன்ஸ்டாகிராமில் ரீல்ஸ் செய்யும் பழக்கமுடைய அவர், துப்பாக்கி மற்றும் ஆயுதங்களைக் காட்டி மிரட்டும் வீடியோக்களைப் பதிவிட்டு வருவதாகவும், ராணுவ வீரர்கள், அரசியல்வாதிகள் மற்றும் மருத்துவர்களைக் குறிவைத்துத் திருமணம் செய்து, பின்னர் அவர்களைப் பிளாக்மெயில் செய்து பணம் பறிப்பதை வாடிக்கையாகக் கொண்டுள்ளார் என்றும் குற்றம் சாட்டியுள்ளார். தன்னிடம் இருந்தும் ₹12 லட்சம் மதிப்புள்ள பணத்தையும் நகைகளையும் அவர் சுருட்டிச் சென்றுவிட்டதாக ராகுல் கூறியுள்ளார்.

தற்போது ராகி தன் கணவரிடம் ₹5 லட்சம் கேட்டு மிரட்டுவதோடு, பணம் தராவிட்டால் அவர் தன்னை விபச்சாரத்தில் ஈடுபடுத்த முயன்றதாக ஊடகங்களில் பொய்ப் புகார் அளிப்பேன் எனப் பல எண்களில் இருந்து மிரட்டல் விடுத்து வருவதாக ராகுல் வேதனை தெரிவித்துள்ளார். ராகியின் வங்கிக் கணக்குகளை ஆய்வு செய்தால் அவரது பல மோசடிகள் வெளிச்சத்திற்கு வரும் என ராகுல் போலீசாரிடம் ஆதாரங்களை ஒப்படைத்துள்ளார். இது குறித்துப் பெஹட் எஸ்டிஓபி (SDOP) மனிஷ் யாதவ் கூறுகையில், கணவனின் புகாரின் அடிப்படையில் போலீசார் தீவிர விசாரணை நடத்தி வருவதாகத் தெரிவித்துள்ளார்