கோமாவிலிருந்து கண்விழித்ததும் பெண் கேட்ட முதல் கேள்வி… அதிர்ச்சியில் உறைந்த மருத்துவர்கள்.. கடைசியில தான் டுவிஸ்ட்டே இருக்கு..!!

பிரான்ஸின் லியோன் நகரைச் சேர்ந்த 19 வயதான கிளியோ வெர்டியர், கடந்த 2025 ஜூன் மாதம் கடும் மன உளைச்சல் காரணமாக தற்கொலைக்கு முயன்றார். இதன் விளைவாக அவர் மூன்று வாரங்கள் ஆழ்ந்த கோமா நிலைக்குச் சென்றார். மருத்துவமனையில் அவரது உடல் அசைவற்றுக் கிடந்தாலும், அவரது ஆழ்மனம் கற்பனையான ஒரு புதிய உலகத்தையே உருவாக்கியிருந்தது. அந்த மூன்று வார கோமா காலத்தில், தான் ஏழு ஆண்டுகளைக் கடந்துவிட்டதாக அவர் உணர்ந்தார்.

மிகவும் வியப்பிற்குரிய விஷயம் என்னவென்றால், கோமாவில் இருந்து கண்விழித்த கிளியோ, தான் மிலா, மைல்ஸ் மற்றும் மெலி எனப் பெயரிடப்பட்ட மூன்று குழந்தைகளுக்கு (Triplets) தாயாகிவிட்டதாக உறுதியாக நம்பினார். தான் பிரசவ வலியை அனுபவித்தது, குழந்தைகளுக்குத் தாலாட்டுப் பாடியது மற்றும் அவர்களுக்கு உணவளித்தது போன்ற நினைவுகள் ஒரு நிஜ வாழ்க்கையைப் போலவே அவரது மனதில் பதிந்திருந்தன. கண்விழித்தவுடன் அவர் தனது பெற்றோரிடம், “எனது மூன்று குழந்தைகள் எங்கே?” என்று கேட்டு அவர்களை அதிர வைத்தார்.

மருத்துவர்கள் இது போன்ற நிலையை ‘கோமா ட்ரீமிங்’ (Coma Dreaming) அல்லது ஒரு வகையான மாயத்தோற்றம் என்று விளக்குகின்றனர். மூளை கடுமையான அதிர்ச்சியில் இருக்கும்போது, எதார்த்தத்திலிருந்து விடுபட தனது ஆழ்மன ஆசைகளை ஒரு நிஜக் கதையாக மாற்றிக்கொள்ளும் என்று அவர்கள் கூறுகின்றனர். தான் ஒருபோதும் தாயாகவில்லை என்ற உண்மையை அறிந்த கிளியோ பெரும் மனவேதனை அடைந்தார். கோமா முடிந்து ஓராண்டு ஆன நிலையிலும், ஒருபோதும் பிறக்காத அந்த மூன்று குழந்தைகளின் நினைவுகளோடு அவர் இன்றும் வாழ்ந்து வருகிறார்.