மழை பெய்யும் இரவில்…! “என் வண்டி… என் இஷ்டம்” என முரட்டுத்தனமாக பேசிய டிரைவர்… தவித்து நின்ற பெண்…. வீடியோவை பார்த்து கொந்தளித்த நெட்டிசன்கள்…!!

டேராடூனில் ஜான்வி சௌத்ரி என்ற பெண், ஆப்பில் காட்டப்படாத மாற்றுப் பாதையில் செல்ல மறுத்ததால், மழை பெய்து கொண்டிருந்த இரவில் ரேபிடோ ஓட்டுநர் அவரை வழியிலேயே இறக்கிவிட்டதாக குற்றஞ்சாட்டியுள்ளார். “இது என் வாகனம், என் விருப்பப்படிதான் செயல்படுவேன்” எனக் கூறி ஓட்டுநர் தகாத வார்த்தைகளால் திட்டியதாகவும், கூடுதல் பணம் தருவதாகக் கூறியும் அவர் கேட்கவில்லை என்றும் அந்தப் பெண் இன்ஸ்டாகிராமில் வீடியோ வெளியிட்டுள்ளார். நல்வாய்ப்பாகப் பாதுகாப்பாக வீடு திரும்பிய அப்பெண், நிறுவனத்தின் பெண்கள் பாதுகாப்பு குறித்துக் கேள்வி எழுப்பியுள்ளார்.

https://www.instagram.com/reel/DbG5dv9ThAK/?utm_source=ig_web_copy_link&igsh=NTc4MTIwNjQ2YQ==

இணையத்தில் இந்த வீடியோ வைரலானதை அடுத்து, ரேபிடோ நிறுவனம் குறித்துப் பலரும் தங்களுக்கு நேர்ந்த கசப்பான அனுபவங்களைப் பகிர்ந்து கடுமையாக விமர்சித்து வருகின்றனர். இச்சம்பவத்திற்கு வருத்தம் தெரிவித்துள்ள ரேபிடோ நிறுவனம், இது முற்றிலும் ஏற்றுக்கொள்ள முடியாத ஒன்று என்றும், பயணத்தின் விவரங்களைப் பெற்று சம்பந்தப்பட்ட ஓட்டுநர் மீது உரிய விசாரணை நடத்தித் தகுந்த நடவடிக்கை எடுக்கப்படும் என்றும் உறுதியளித்துள்ளது.