கவலையை விடுங்க.. இனி வேலை ரொம்ப ஈஸி…! சப்பாத்தி போட புது டெக்னிக் கண்டுபிடித்த பெண்… இணையத்தைக் கலக்கும் வீடியோ..!!

சமூக ஊடகங்களில் பகிரப்படும் வினோதமான சமையல் முறைகள் அவ்வப்போது வைரலாவது வழக்கம். அந்த வகையில், இந்தியக் குடும்பங்களில் அன்றாட உணவாக இருக்கும் சப்பாத்தியை (ரொட்டி), எடையிடும் கருவியைப் (Weighing Machine) பயன்படுத்திப் பெண் ஒருவர் தேய்க்கும் வீடியோ தற்போது இணையத்தில் தீயாய் பரவி வருகிறது. சாதாரணமாக உடல் எடையைச் சரிபார்க்க உதவும் இந்தக் கருவியை, ஒரு சமையலறை சாதனமாக மாற்றிய அந்தப் பெண்ணின் ‘தேசி ஜுகாட்’ (Desi Jugaad) உத்தி நெட்டிசன்களை ஆச்சரியத்தில் ஆழ்த்தியுள்ளது.

அந்த வீடியோவில், எடையிடும் கருவியின் தட்டையான மேல் பரப்பைப் பலகையாகப் பயன்படுத்திப் மாவைத் தேய்த்துச் சப்பாத்தி இடுகிறார் அந்தப் பெண். இதைப் பார்த்த இணையவாசிகள் பலவிதமான நகைச்சுவையான கருத்துகளைப் பகிர்ந்து வருகின்றனர். “டாக்டர் சொன்னது போலவே அளந்து பார்த்துச் சாப்பிடுகிறாரோ?” என்றும், “உடல் எடையைக் குறைக்க இது ஒரு புதிய வகை உடற்பயிற்சி போலிருக்கிறது” என்றும் கிண்டலாகக் பதிவிட்டு வருகின்றனர்.

இன்ஸ்டாகிராமில் பகிரப்பட்ட இந்த வீடியோ இதுவரை சுமார் 40 லட்சம் (4 Million) பார்வைகளைக் கடந்து சாதனை படைத்துள்ளது. இருப்பினும், இந்தக் கருவி சுகாதாரமானதா என்ற விவாதமும் ஒருபுறம் நடந்து வருகிறது. எது எப்படியோ, சாதாரணப் பொருட்களைக் கொண்டு வேலைகளை எளிதாக்கும் இந்தியர்களின் இந்தத் திறமைக்கு மற்றுமொரு சான்றாக இந்தச் செய்தி அமைந்துள்ளது