தறிகெட்டு ஓடிய சொகுசு கார்…” அடுத்தடுத்து வாகனங்கள் மீது மோதி பெண் பலியான கோர விபத்து… நெஞ்சை பதறவைக்கும் சம்பவம்…!!

மகாராஷ்டிரா மாநிலம் தானே மாவட்டம் கரேகான் பகுதியில், மக்கள் நடமாட்டம் மிகுந்த குறுகலான சாலையில் வந்த அதிவேக கார் ஒன்று திடீரென ஓட்டுநரின் கட்டுப்பாட்டை இழந்தது. கட்டுப்பாடின்றித் தறைகெட்டு ஓடிய அந்தக் கார், சாலையில் வந்துகொண்டிருந்த அடுத்தடுத்த பல வாகனங்கள் மற்றும் வழிப்போக்கர்கள் மீது மிகக் கொடூரமாக மோதித் தள்ளியது. இந்த பயங்கர விபத்தில், அப்பகுதியைச் சேர்ந்த சுபாங்கி பாட்டீல் (45) என்ற பெண் படுகாயமடைந்து சம்பவ இடத்திலேயே பரிதாபமாக உயிரிழந்தார்.

மேலும் இருவர் படுகாயமடைந்து அருகில் உள்ள மருத்துவமனையில் தீவிர சிகிச்சைக்காக அனுமதிக்கப்பட்டுள்ளனர். சம்பவ இடத்திற்கு விரைந்து வந்த கல்வா காவல் துறையினர், விபத்துக்குள்ளான வாகனங்களை மீட்டுப் போக்குவரத்தைச் சீரமைத்தனர். இந்த விபத்து ஓட்டுநரின் கவனக்குறைவால் நடந்ததா அல்லது காரில் ஏற்பட்ட இயந்திரக் கோளாறு காரணமா எனச் சுற்றியுள்ள சிசிடிவி காட்சிகளை ஆய்வு செய்து போலீசார் தீவிர விசாரணை நடத்தி வருகின்றனர்.