அட கொடுமையே… கழுத்து வலியை போக்க போன இடத்தில் நேர்ந்த கொடூரம்… மசாஜ் செய்யப்போய் பரிதாபமாக முடிந்த பெண்ணின் உயிர்… நெஞ்சை பதறவைக்கும் சம்பவம்…!

ஹல்த்வானி டமுவாடுங்கா பகுதியைச் சேர்ந்த ராமச்சந்திரனின் மனைவி மீனாட்சி, கடந்த சில நாட்களாகக் கழுத்து வலியால் அவதிப்பட்டு வந்தார். வலியிலிருந்து நிவாரணம் பெறுவதற்காக, தெரிந்தவர்களின் ஆலோசனையின் பேரில், கலாதுங்கி சாலையில் உள்ள ஒரு ஹக்கீமிடம் அவரது குடும்பத்தினர் அவரை அழைத்துச் சென்றனர். அந்த நபர் அப்பகுதியில் ‘பஹல்வான்’ என்றும் பிரபலமாக அழைக்கப்பட்டு வந்துள்ளார்.

அங்கு அந்தப் பெண்ணுக்குக் கழுத்து மசாஜ் செய்யப்பட்டு வந்ததாகக் குடும்பத்தினரால் கூறப்படுகிறது. அப்போது, அந்த நபர் எதிர்பாராதவிதமாகப் பெண்ணின் கழுத்தை பலமாகப் பிடித்து திடீரெனத் திருப்பியுள்ளார் . இதன் காரணமாக அந்தப் பெண்ணின் உடல்நிலை உடனடியாக மோசமடைந்தது.

கழுத்து திருப்பப்பட்டதைத் தொடர்ந்து, அந்தப் பெண் பரிதாபமாக உயிரிழந்தார். ஒரு சிறிய தவறால் பெண் தன் உயிரை இழந்த சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.