லம்போகினி காருக்கு தேங்காய் உடைத்த பெண்.. அடுத்த விநாடியே நடந்த ஷாக் சம்பவம்…. ஒரு நொடி ஹார்ட் அட்டாக்கே வந்துருச்சு…!

புதிதாக லம்போகினி கார் வாங்கிய பெண் ஒருவர், பாரம்பரிய வழக்கப்படி தேங்காய் உடைத்து பூஜை செய்தபோது எதிர்பாராத விதமாக நடந்த ஒரு சுவாரசியமான சம்பவம் இணையத்தில் வைரலாகி வருகிறது. ஹைதராபாத்தில் நடைபெற்ற இந்த நிகழ்வில், அந்த பெண் காரின் முன்பாக தேங்காயை ஓங்கித் தரையில் அடிக்க முற்பட்டார். ஆனால், தரையில் பட்ட தேங்காய் சிதறாமல் அப்படியே எகிறிச் சென்று விலை உயர்ந்த அந்த காரின் பானட் (Bonnet) மீது விழுந்தது.

இந்த எதிர்பாராத செயலால் அதிர்ச்சியடைந்த அந்தப் பெண், ஒரு கணம் உறைந்து போனார். பல கோடி ரூபாய் மதிப்புள்ள காரில் ஏதேனும் சேதம் ஏற்பட்டிருக்குமோ என்ற பயத்தில் அவரது முகம் மாறியது. “ஒரு நொடி ஹார்ட் அட்டாக்கே வந்துவிட்டது” என்று நெட்டிசன்கள் வர்ணிக்கும் அளவிற்கு அந்தச் சூழல் பதற்றமாக இருந்தது. எனினும், அதிர்ஷ்டவசமாக காரின் மீது விழுந்த தேங்காயால் எந்தப் பாதிப்பும் ஏற்படவில்லை என்பதை அறிந்த பின்னரே அவர் நிம்மதி பெருமூச்சு விட்டார்.

சமூக வலைத்தளங்களில் சுமார் ஒரு கோடிக்கும் அதிகமான பார்வையாளர்களைப் பெற்றுள்ள இந்த வீடியோவிற்குப் பலரும் சுவாரசியமான கருத்துகளைப் பகிர்ந்து வருகின்றனர். “நல்லவேளை தேங்காய் தான் விழுந்தது, பூஜைக்குப் பயன்படுத்திய கற்பூரம் விழவில்லை” என்று ஒரு தரப்பினரும், “விலை உயர்ந்த கார்களுக்கு பூஜை செய்யும் போது கூடுதல் கவனத்துடன் இருக்க வேண்டும்” என்று மற்றொரு தரப்பினரும் கமெண்ட் செய்து வருகின்றனர். தற்போது இந்த ‘லம்போகினி தேங்காய் பூஜை’ வீடியோ இணையத்தில் ட்ரெண்டாகி வருகிறது.