தீபாவளி சர்ப்ரைஸ்..! பெண்களுக்கு அடித்தது ஜாக்பாட்… தேதி மாறுது… நவம்பர் 15 வரை காத்திருக்க வேண்டாம்… தமிழக அரசின் சூப்பர் பிளான்…!!

தமிழக அரசின் சமூக நலன் மற்றும் மகளிர் உரிமைத்துறை மூலம் செயல்படுத்தப்பட்டு வரும் திட்டத்தின் கீழ், தகுதியுள்ள சுமார் 1.31 கோடி பெண்களுக்கு மாதந்தோறும் ரூ.1,000 உரிமைத்தொகை வழங்கப்பட்டு வருகிறது. பொதுவாக இந்தத் தொகையானது ஒவ்வொரு மாதமும் 15-ஆம் தேதியன்று பயனாளிகளின் வங்கிக் கணக்குகளில் நேரடியாக வரவு வைக்கப்படுவது வழக்கமாக உள்ளது.

இந்நிலையில், அடுத்த மாதம் கொண்டாடப்பட உள்ள தீபாவளி பண்டிகையை முன்னிட்டு, இல்லத்தரசிகள் பண்டிகைச் செலவுகளை எளிதாக சமாளிக்கும் வகையில் இத்தொகையை முன்கூட்டியே வழங்க அரசு திட்டமிட்டுள்ளது. இதனால், வழக்கமான 15-ஆம் தேதி வரை காத்திருக்காமல், நவம்பர் மாதத்தின் முதல் வாரத்திலேயே பயனாளிகளின் கணக்கில் உரிமைத்தொகையைச் செலுத்துவது குறித்து அரசு தரப்பில் பரிசீலிக்கப்பட்டு வருகிறது.

மாதத்தின் தொடக்கத்தில் அரசுப் பணியாளர்களுக்கான ஊதியம் விநியோகிக்கப்படும் அதே வேளையில், கருவூல நிதி வரவை ஆய்வு செய்து இத்தொகையையும் முதல் வாரத்திற்குள் விடுவிப்பதற்கான ஏற்பாடுகள் கவனிக்கப்பட்டு வருகின்றன. இந்த விவகாரம் தற்போது அரசின் தீவிர பரிசீலனையில் இருந்தாலும், பண்டிகை நாட்களைக் கருத்தில் கொண்டு நவம்பர் முதல் வாரத்திலேயே பெண்களின் வங்கிக் கணக்குகளில் பணம் வரவு வைக்கப்படுவதற்கான சாத்தியக்கூறுகள் அதிகமாக இருப்பதாகத் தெரிவிக்கப்பட்டுள்ளது.