“திமுக கோட்டையில் தேமுதிக கொடி”…. ஒரே நாளில் மாறிய அரசியல் களம்…. ஸ்டாலினுக்கு இன்பதிர்ச்சி கொடுத்த அண்ணியார்….!

தமிழக அரசியலில் தற்போது விவாதப் பொருளாக மாறியுள்ள ‘மகளிர் உரிமைத் தொகை’ விவகாரம், கூட்டணிக் கணக்குகளில் புதிய மாற்றங்கள் ஏற்படுமோ என்ற கேள்வியை எழுப்பியுள்ளது. நேற்று திமுக அரசு மகளிரின் வங்கிக் கணக்கில் ரூ.5,000 வரவு வைத்ததை, வரவிருக்கும் தேர்தலில் தோல்வி அடைந்து விடுவோம் என்ற பயத்தால் கொடுக்கப்படும் ‘தேர்தல் கால யுக்தி’ என அதிமுக மற்றும் அதன் கூட்டணிக் கட்சிகள் கடுமையாக விமர்சித்து வருகின்றன. அரசு இயந்திரத்தைத் தவறாகப் பயன்படுத்துவதாக அவர்கள் குற்றம் சாட்டினாலும், ஆளுங்கட்சித் தரப்போ இது மக்களின் வாழ்வாதாரத்தை மேம்படுத்தும் நீண்டகாலத் திட்டம் எனப் பதிலடி கொடுத்து வருகிறது.

இந்த அரசியல் மோதல்களுக்கு மத்தியில், தேமுதிக பொதுச்செயலாளர் பிரேமலதா விஜயகாந்த் மௌனம் காப்பது அனைவரின் கவனத்தையும் ஈர்த்துள்ளது. சமீபகாலமாக திமுக அரசின் செயல்பாடுகள் குறித்த தனது விமர்சனங்களைக் குறைத்து வரும் அவர், இந்த விவகாரத்திலும் எந்தக் கருத்தும் தெரிவிக்காமல் தவிர்த்து வருகிறார். இந்த மௌனம் வெறும் தற்செயலானது அல்ல என்றும், வரும் தேர்தல்களில் திமுக கூட்டணியில் இணைவதற்கான ஒரு சமிக்ஞையாகவே இது இருக்கலாம் என்றும் அரசியல் நோக்கர்கள் கருதுகின்றனர். அதிமுக கூட்டணியில் இருந்து மெல்ல விலகி, திமுகவை நோக்கி அவர் காய்களை நகர்த்துவதையே இப்போதைய சூழல் உணர்த்துகிறது.