கள்ளக்காதலுக்கு இடையூறாக இருந்த 3வது கணவன்… தூங்கும் போது போட்டுத்தள்ளிவிட்டு… நாடகமாடிய கில்லாடி மனைவி… பகீர் பின்னணி…!!

மத்திய பிரதேச மாநிலம், நரசிங்கப்பூர் மாவட்டத்தைச் சேர்ந்த சரோஜ் மெஹ்ரா (38) என்ற பெண், தனது இரண்டு கணவர்கள் இறந்த/பிரிந்த நிலையில், துளசிராம் என்பவரை மூன்றாவதாகத் திருமணம் செய்து வாழ்ந்து வந்தார். இதற்கிடையில், சரோஜிற்கு மகேந்திர மெஹ்ரா என்பவருடன் கள்ளத்தொடர்பு ஏற்பட்டுள்ளது. இந்த கள்ளக்காதல் விவகாரத்தால், சரோஜ் தனது காதலன் மகேந்திரா மற்றும் அவரது நண்பர் விஷ்ணு ஆகியோருடன் இணைந்து, கடந்த ஜூன் 28-ஆம் தேதி இரவு தூங்கிக் கொண்டிருந்த கணவர் துளசிராமை கொடூரமாகக் கொலை செய்து புதைத்துள்ளார். பின்னர், அவர் காணாமல் போனது போல நாடகமாடி உண்மையை மறைக்க முயன்றுள்ளனர்.

துளசிராம் காணாமல் போய் மூன்று நாட்கள் ஆகியும், சரோஜ் காவல்நிலையத்தில் புகார் அளிக்காமலும், அவரைத் தேடாமலும் இருந்துள்ளார். சரோஜின் இந்த சந்தேகத்திற்கிடமான நடத்தையைக் கவனித்த அக்கம் பக்கத்தினர் காவல் துறையினருக்குத் தகவல் கொடுத்தனர். மாவட்ட காவல் கண்காணிப்பாளர் ரிஷிகேஷ் மீனா உத்தரவின் பேரில், போலீசார் தீவிர விசாரணை மேற்கொண்டனர். அப்போது கிடைத்த செல்போன் தகவல்கள் மற்றும் தொழில்நுட்ப ஆதாரங்களின் அடிப்படையில், சரோஜ் தன் காதலன் மற்றும் அவரது நண்பருடன் சேர்ந்து திட்டமிட்டு இந்த கொலையைச் செய்தது உறுதியானது.

இதையடுத்து போலீசார் சரோஜ், மகேந்திர மெஹ்ரா மற்றும் விஷ்ணு ஆகிய மூவரையும் கைது செய்து சிறையிலடைத்தனர். விசாரணையின் போது, “இந்த கொலையில் எனக்கு எந்தத் தொடர்பும் இல்லை; மகேந்திரா என்னை திருமணம் செய்து கொள்வதற்காகவே அனைத்தையும் செய்தார்” என்று சரோஜ் கூறி தப்பிக்க முயன்றார். இருப்பினும், போலீசார் சேகரித்த ஆதாரங்கள் சரோஜின் வாக்குமூலத்திற்கு முரணாக உள்ளதால், இந்த கொலையின் பின்னணியில் வேறு ஏதேனும் காரணங்கள் உள்ளதா என்ற கோணத்தில் போலீசார் தொடர்ந்து தீவிர விசாரணை நடத்தி வருகின்றனர்.