உத்தரப் பிரதேச மாநிலம் லக்னோ மோகன்லால்கஞ்ச் பகுதியில் உள்ள கால்வாய் மதகின் அடியில் மரப்பெட்டி ஒன்றிற்குள் ஆண் சடலம் கிடப்பதாகச் செப்டம்பர் 17 அன்று போலிஸாருக்குத் தகவல் கிடைத்தது. சடலத்தைக் கைப்பற்றிய போலிஸார், அப்பகுதியில் இருந்த சுமார் 180 சிசிடிவி கேமராக்களை ஆய்வு செய்தபோது, மின்சார ஆட்டோவில் அந்த மரப்பெட்டியைக் கடத்திச் சென்றது தெரியவந்தது.
விசாரணையில், கொல்லப்பட்டவர் ராம் கிஷோர் வால்மீகி என்பதும், அவரை அவரது இரண்டாவது மனைவி சுபியா பானு (35), தனது கள்ளக்காதலன் முன்னா (52), நண்பர் முகமது இக்பால் (40) மற்றும் தனது 16 வயது மகனுடன் சேர்ந்து கொலை செய்ததும் அம்பலமானது. சுபியாவிற்கு முன்னாவுடன் கள்ளத்தொடர்பு இருந்ததால் கணவன்-மனைவி இடையே தகராறு ஏற்பட்டு வந்தது. இதனால் ராம் கிஷோர் தனது முதல் மனைவியான கவிதா தேவியுடன் மீண்டும் நெருங்கிப் பழகி, அவருக்குப் பண உதவி செய்யத் தொடங்கினார்.
இதனால் ஆத்திரமடைந்த சுபியா பானு, கடந்த செப்டம்பர் 14-15 நள்ளிரவில் ராம் கிஷோர் உறங்கிக் கொண்டிருந்தபோது, கள்ளக்காதலன் மற்றும் அவரது நண்பருடன் சேர்ந்து கத்தியால் குத்திக் கொடூரமாகக் கொலை செய்தார். பின்னர் சடலத்தை மரப்பெட்டியில் அடைத்து, மின்சார ஆட்டோவில் எடுத்துச் சென்று 20 கி.மீ தொலைவில் உள்ள கால்வாயில் வீசியுள்ளனர். இச்சம்பவம் தொடர்பாகச் சுபியா பானு, அவரது கள்ளக்காதலன் உட்பட 4 பேரையும் போலிஸார் அதிரடியாகக் கைது செய்து சிறையில் அடைத்தனர்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…