அவன் மனுஷனே இல்ல..! இரும்புக் கம்பியால் தாக்குதல்… மரத்தில் கட்டப்பட்ட உடல்… கணவர் மீது கடும் குற்றச்சாட்டு… மகளுக்காக தாய் செய்த செயல்…!!

தெலங்கானா மாநிலம், சித்திப்பேட்டை மாவட்டம், அக்கன்னபேட்டை மண்டலத்தில் உள்ள சேவாலால் தாண்டா பகுதியில் அதிர்ச்சியூட்டும் கொலைச் சம்பவம் நடந்துள்ளது. ராஜேஸ்வரி என்ற பெண்ணின் கணவர் பகவான், அவர்களது மகளிடம் பாலியல் அத்துமீறலில் ஈடுபட்டதாகக் கூறப்படுகிறது. இதனால் ஆத்திரமடைந்த ராஜேஸ்வரி, தனது உறவினர்களுடன் இணைந்து பகவானை இரும்புக் கம்பியால் தாக்கியதாகத் தகவல்கள் தெரிவிக்கின்றன. இந்தத் தாக்குதலில் அவர் உயிரிழந்ததாகக் கூறப்படுகிறது.

மேலும், உயிரிழந்த பகவானின் உடலை மரத்தில் கட்டி வைத்ததாகவும் கூறப்படுகிறது. இந்தச் சம்பவம் தொடர்பாக வழக்குப் பதிவு செய்த காவல்துறையினர், ராஜேஸ்வரியைக் கைது செய்து சிறையில் அடைத்துள்ளனர். மகளிடம் பாலியல் அத்துமீறல் நடந்ததாகக் கூறப்படும் குற்றச்சாட்டின் பின்னணியில் இந்தக் கொலைச் சம்பவம் நிகழ்ந்திருப்பது அப்பகுதியில் பரபரப்பை ஏற்படுத்தியுள்ளது. சம்பவம் தொடர்பாகக் காவல்துறையினர் தொடர்ந்து விசாரணை மேற்கொண்டு வருகின்றனர்.