நானும் ரவுடி தான்…”பாக்கலாமா “… 6 மாசத்துல ஆட்சி முடியுது… “தைரியம் இருந்த தொட்டுப் பார் தம்பி”… தவெக அரசை அதிரவைத்த முன்னாள் அமைச்சர்… தமிழக அரசியலில் வெடித்த சர்ச்சை!…

தமிழகத்தில் தவெக ஆட்சி அமைந்ததில் இருந்தே திமுக உள்ளிட்ட எதிர்க்கட்சியினர் தொடர்ந்து அரசை விமர்சித்து வரும் நிலையில், திமுக முன்னாள் அமைச்சர் அனிதா ராதாகிருஷ்ணனின் அண்மைக்கால பேச்சு பெரும் பரபரப்பை ஏற்படுத்தியுள்ளது. நேற்று நடைபெற்ற பொது நிகழ்ச்சி ஒன்றில் பேசிய அவர், தற்போதைய மின்துறை அமைச்சர் தன்னை ‘ரவுடி’ என்று விமர்சித்ததற்கு ஆவேசமாக பதிலடி கொடுத்துள்ளார். தான் 16 வயது முதல் தொழில் செய்து வருவதாகவும், யாரையும் தேவையின்றி கடினமாகப் பேசியதில்லை என்றும் குறிப்பிட்ட அவர், “ஆம், நான் ரவுடிக்கு ரவுடிதான், எங்களை யாராலும் தொட்டுப் பார்க்க முடியாது; நீங்கள் எங்கு வேண்டுமானாலும் இருக்கலாம், ஆனால் உங்கள் பருப்பு எங்களிடம் வேகாதது தம்பி” என தவெக அமைச்சருக்கு நேரடியாக எச்சரிக்கை விடுத்துள்ளார்.

மேலும் தற்போதைய தவெக அரசின் மணல் குவாரி ஏல நடைமுறைகள் மற்றும் மின்துறை அமைச்சரின் அதிகார துஷ்பிரயோகங்கள் குறித்து அடுக்கடுக்கான ஊழல் குற்றச்சாட்டுகளை அனிதா ராதாகிருஷ்ணன் முன்வைத்தார். முன்னாள் முதலமைச்சர் மு.க.ஸ்டாலின் லண்டன் பயணத்தை முடித்துக்கொண்டு தமிழகம் திரும்பியதும் இந்த முறைகேடுகளுக்கு தகுந்த பதில் கேட்கப்படும் என்றும் அவர் கூறினார். “இவர்களுக்கு இந்த ஆட்சி நிரந்தரமானது அல்ல; இன்னும் 6 மாதங்களில் தமிழகத்தில் ஆட்சி மாற்றம் ஏற்படுவது உறுதி, மு.க.ஸ்டாலின் மீண்டும் முதலமைச்சராக அரியணை ஏறுவது நிச்சயம்” என்று அவர் பேசியுள்ளது தற்போது தமிழக அரசியல் களத்தில் விவாதப் பொருளாக மாறியுள்ளது. ஏற்கனவே முதலமைச்சர் குறித்து அவதூறாகப் பேசி கைதான இவர், தற்போது மீண்டும் “ரவுடிக்கு ரவுடி” என சர்ச்சையாகப் பேசியிருப்பது அரசியல் வட்டாரத்தில் சலசலப்பை ஏற்படுத்தியுள்ளது.