உடலில் பல்லி எந்தெந்த இடத்தில விழுந்தால் என்னென்ன பலன்…? இதோ தெரிந்துக் கொள்ளுங்கள்..!!

பொதுவாகவே அனைவர் வீட்டிலும் பல்லி இருக்கும். நம் உடலில் பல்லி விழுந்தால் மற்றும் பள்ளி சத்தம் போட்டால் என்ன பலன் என்று இந்த பதிவில் பார்க்கலாம். தலையில் விழுந்தால் அவர்களுக்கு வரப்போகின்ற கெட்ட சகுனத்தை காட்டுவதாக அர்த்தமாம் மிகவும் எச்சரிக்கையுடன் இருக்க வேண்டும். சுற்றி இருப்போருடன் வாக்குவாதம் முற்றி பெரிய பிரச்சனை வரலாம், மனநிம்மதி இல்லாமல் போகலாம் நெருக்கமானவர் யாரேனும் இலக்க நேரிடலாம். குறிப்பாக சொல்ல வேண்டுமென்றால் மன நிம்மதியை இழப்பீர்கள். நெற்றியின் மீது பல்லி விழுந்தால் நல்ல சகுணமாக இருக்கும். நெற்றியின் இடது பக்கம் விழுந்தால் கீர்த்தி கிட்டும், வலது பக்கம் விழுந்தால் லட்சுமி கடாட்சம் அதிகரிக்கும். தலையில் படாமல் முடியின் மீது பட்டு கீழே விழுந்தால் நன்மை உண்டாகும்.

மூக்கில் பல்லி மற்றும் முகத்தில் விழுந்தால் வீட்டுக்கு உறவினர்கள் வருவார்கள். புருவத்தில் பல்லி விழுந்தால் ராஜ பதவி மற்றும் உயர் பதவி உள்ளவர்களிடமிருந்து நல்ல செய்தி வரும். கண்களில் விழுந்தால் ஏதோ ஒரு காரணத்துக்காக உங்களுக்கு தண்டனை கிடைக்கும். இடது கை மற்றும் காலில் பல்லி விழுந்தால் அன்றைய தினம் முழுவதும் மகிழ்ச்சியாக இருப்பீர்கள். வலது கை மட்டும் காலில் விழுந்தால் அன்றைய நாளில் உடல்நல கோளாறு ஏற்படும். பாதத்தில் பல்லி விழுந்தால் வெளிநாடு பயணம் செல்ல வாய்ப்பு உண்டு. தொப்புள் பகுதியில் பல்லி விழுந்தால் விலை உயர்ந்த பொருட்களான தங்கம், வைரம், வைடூரியம், ரத்தினம் போன்ற பொருட்கள் வாங்குவீர்கள்.

தொடையில் பல்லி விழுந்தால் பெற்றோர்களை வருத்தத்திற்கு தள்ளுவீர்கள். மார்பு மீது பல்லி விழுந்தால் லாபம் உண்டாகும். அதுவே இடது மார்பாக இருந்தால் சுகம் கிடைக்கும். கழுத்தில் பல்லி விழுந்தால் நீங்கள் செய்யும் அனைத்து காரியமும் வெற்றி பெறும். அதுவே வலது கழுத்தில் விழுந்தால் பகை உண்டாகும். உடலில் எந்த பாகத்தில் பல்லி விழுந்தாலும் உடனே குளிப்பது முக்கியம் மற்றும் ஏதோ ஒரு கோவிலுக்கு சென்று தரிசனம் பெற்று வாருங்கள். இல்லையெனில் வீட்டிலே விளக்கேற்றி சுவாமியை வழிபடுங்கள். காஞ்சிபுரம் வரதராஜ பெருமாள் கோவிலில் உள்ள தங்கம் மற்றும் வெள்ளியால் ஆன பள்ளி சிலையை தொட்டு வணங்கினால் பிற்காலத்தில் பள்ளி விழுந்தாலும் எந்த ஒரு தீங்கும் நடக்காது.