உலகமே நடுங்கும் 1970-களின் கறுப்பு வரலாறு மீண்டும்..! “அதற்கு தயாராகுங்கள்” ஈரான் விடுத்த பகீர் எச்சரிக்கை.. உலக நாடுகளுக்குக் காத்திருக்கும் பேரிடி..!!

வளைகுடா பிராந்தியத்தில் நிலவும் போர் பதற்றங்களுக்கு மத்தியில், உலக நாடுகள் ஒரு பீப்பாய் கச்சா எண்ணெய் விலை 200 டாலராக உயருவதற்குத் தயாராக இருக்க வேண்டும் என்று ஈரான் எச்சரித்துள்ளது. ஹார்முஸ் ஜலசந்தி (Strait of Hormuz) பகுதியில் வணிகக் கப்பல்கள் மீதான தாக்குதல்கள் அதிகரித்து வருவதைத் தொடர்ந்து, ஈரானிய ராணுவக் கட்டளை இந்த கடுமையான எச்சரிக்கையை விடுத்துள்ளது. “பிராந்திய பாதுகாப்பை நீங்கள் சீர்குலைத்துள்ளதால், எண்ணெய் விலை 200 டாலராக உயர்வதற்குத் தயாராகுங்கள்” என்று ஈரானிய ராணுவ செய்தித் தொடர்பாளர் இப்ராஹிம் சோல்ஃபகாரி அமெரிக்காவை நோக்கிக் குறிப்பிட்டுள்ளார்.

தொடர்ந்து நடைபெற்று வரும் மோதல்களால், உலகளாவிய எண்ணெய் விநியோகத்தில் ஐந்தில் ஒரு பங்கு செல்லும் முக்கிய கடல் பாதையான ஹார்முஸ் ஜலசந்தி பெரும் பாதிப்புக்குள்ளாகியுள்ளது. கடந்த புதன்கிழமை மட்டும் மூன்று வணிகக் கப்பல்கள் குறிவைத்துத் தாக்கப்பட்டன; இதில் இந்தியாவிற்குச் சொந்தமான சரக்குகளை ஏற்றிச் சென்ற தாய்லாந்து நாட்டு கப்பலும் அடங்கும். அமெரிக்கா மற்றும் இஸ்ரேலின் தீவிர வான்வழித் தாக்குதல்களுக்கு மத்தியிலும், எரிசக்தி விநியோகத்தைத் தங்களால் சீர்குலைக்க முடியும் என்பதை ஈரான் இந்தத் தாக்குதல்கள் மூலம் வெளிப்படுத்தியுள்ளது.

இந்தச் சூழலை எதிர்கொள்ள, சர்வதேச எரிசக்தி முகமை (IEA) தனது அவசரகால கையிருப்பிலிருந்து சுமார் 400 மில்லியன் பீப்பாய்கள் எண்ணெயை வெளியிடப் பரிந்துரைத்துள்ளது. இது 1970-களுக்குப் பிறகு உலகம் காணும் மிக மோசமான எரிசக்தி அதிர்ச்சியாகக் கருதப்படுகிறது. இதற்கிடையில், ஈரானில் தாக்குதல் நடத்த இனி இலக்குகளே இல்லை என்றும், இந்தப் போர் விரைவில் முடிவுக்கு வரும் என்றும் அமெரிக்க அதிபர் டொனால்ட் டிரம்ப் நம்பிக்கை தெரிவித்துள்ளார். இருப்பினும், கள நிலவரப்படி கப்பல்கள் பாதுகாப்பாகச் செல்வதற்கான எந்த அறிகுறியும் தென்படவில்லை.