“அடியே இன்னைக்கு உன்னை என்ன பண்றேன் பாரு” ஓடிப்போன மனைவியை பிடிக்க… வாக்குச்சாவடியில் 5 மணி நேரம் காத்திருந்த கணவர்… கடைசியில் காத்திருந்த டுவிஸ்ட்..!!

மேற்கு வங்க மாநிலம் தாராபாரி கிராமத்தில், பிரிந்து சென்ற மனைவியைப் பிடிப்பதற்காக கணவர் ஒருவர் வாக்குச்சாவடியில் சுமார் 5 மணிநேரம் காத்திருந்த சம்பவம் பெரும் பரபரப்பை ஏற்படுத்தியுள்ளது. இரண்டு ஆண்டுகளுக்கு முன்பு தன்னை விட்டுப் பிரிந்து சென்ற மனைவி, வேறொருவரைத் திருமணம் செய்துகொண்டதை அறிந்த அந்த நபர், தனது பெயரை மனைவியின் வாக்காளர் அட்டையிலிருந்து நீக்க வேண்டும் என்பதில் உறுதியாக இருந்தார். தனது பெயர் நீக்கப்படும் வரை மனைவியை வாக்களிக்க அனுமதிக்க மாட்டேன் என்று கூறி வாக்குச்சாவடி மையத்திலேயே அவர் போராட்டத்தில் ஈடுபட்டார்.

இந்த திடீர் போராட்டத்தால் வாக்குச்சாவடியில் பதற்றமான சூழல் நிலவியது. இதனையடுத்து, அங்கு பாதுகாப்புப் பணியில் இருந்த அதிகாரிகள் மற்றும் தேர்தல் அலுவலர்கள் தலையிட்டு அந்த நபருடன் பேச்சுவார்த்தை நடத்தினர். நீண்ட போராட்டத்திற்குப் பிறகு, அதிகாரிகள் உரிய நடவடிக்கை எடுப்பதாக உறுதி அளித்ததைத் தொடர்ந்து அப்பெண் தனது வாக்கைச் செலுத்தினார். வாக்குப்பதிவு முடிந்தவுடன், இருவரையும் அங்கிருந்து அதிகாரிகள் பாதுகாப்பாக அனுப்பி வைத்தனர். தனிப்பட்ட குடும்பப் பிரச்சனை காரணமாக வாக்குச்சாவடியில் நடந்த இந்த வினோத சம்பவம் அப்பகுதியில் விவாதப் பொருளாக மாறியுள்ளது.