இறந்தவர்களின் உடலை பறவைகளுக்கு கொடுக்கும் பார்சி முறை என்பது என்ன…? Ratan Tata உடல் கழுகுக்கு இறையானதா…?

சமீபத்தில் இந்தியாவே கலங்கிய சம்பவம் என்னவென்றால் அது Ratan Tata அவர்களின் மறைவு. டாட்டா குழுமத்தில் தலைவராக இருந்தார் Ratan Tata தொழிலதிபராக மட்டுமல்லாமல் மனிதநேயத்தின் மறு உருவமாக இருந்திருக்கிறார். மக்களுக்காக தன்னால் என்னவெல்லாம் செய்ய முடியுமோ அனைத்தையும் செய்து நீங்கா இடம் பிடித்தவர் Ratan Tata .

Ratan Tata மும்பையில் பார்சி குடும்பத்தில் பிறந்தவர். சிறுவயதிலிருந்தே தொழிலதிபராக வேண்டும் என்ற முனைப்போடு இருந்து வெற்றிகரமாக டாட்டா குழுமத்தை உலகம் அறிந்த சாம்ராஜ்யமாக மாற்றி சாதித்திருக்கிறார். தற்போது Ratan Tata மறைந்ததற்கு பிறகு பார்சி முறையில் அவரது உடலை இயற்கைக்கு ஒப்படைப்பது என்று பேசப்பட்டது. பார்சி முறையில் உடலை என்ன செய்வார்கள் என்பதை பற்றி இனி காண்போம்.

பார்சி முறையில் ஒருவர் இறந்து விட்டால் டோக்மேனேஷினி அல்லது டவர் ஆப் சைலன்ஸ் முறையில் உடலை இயற்கை ஒப்படைத்து விடுவார்கள். அதாவது பார்சி முறையில் உடலை எரிக்கவோ புதைக்கவோ கூடாது. அவர்கள் முறையில் நெருப்பும் பூமியும் புனித தன்மையுடையதாகவும் அதை நாம் இறந்த உடலை தகனம் அல்லது புதைப்பது மூலம் அதன் புனித தன்மையை கெடுத்து விடக்கூடாது என்று கூறுவார்.

அதேபோல பார்சி முறையில் ஒருவர் இறந்து விட்டால் அந்த மதத்தைச் சார்ந்த பெரியோர்கள் இறந்தவர் உடலுக்கு பூஜை செய்து பருத்தி துணையால் சுற்றி டவர் ஆப் சைலன்ஸ் எனப்படும் அதற்கென்று பிரத்தியேகமாக ஒதுக்கப்பட்ட இடத்திற்கு கொண்டு செல்வர். அங்கே நடுவே உயரமான மேடை போன்று இருக்கும் அதில் இறந்த உடலை வைத்துவிட்டு வந்துவிடுவார். அந்த இறந்த உடலானது பறவைகளுக்கு மற்றும் ஜீவராசிகளுக்கு உணவாகி விடும். இறுதியில் இருக்கும் எலும்பு துண்டுகள் இயற்கையால் அதுவே அழிந்து விடும். இதுதான் அவர்கள் கடைப்பிடித்து வந்திருக்கிறார்கள்.

ஆனால் கடந்த 15 ஆண்டுகளுக்கும் மேலாக இந்த முறையை அவர்கள் கடைபிடிக்க முடியவில்லை அதற்கு காரணம் கழுகு இனம் அழிந்து வருவது தான். இறந்தவர்களின் உடலை அதிகமாக உண்பது கழுகு தான். அதனால் அவர்களும் மின் மயானத்தை நாடி வரும் நிலைமை ஏற்பட்டு விட்டது. அதேபோல் Ratan Tata உடலும் பார்சிமுறையில் அடக்கம் செய்யப்படுகிறது என்று கூறி வந்த நிலையில் நடைமுறை சவால்களை கருத்தில் கொண்டு அவரை மின் மயானதில் தகனம் செய்திருக்கிறார்கள் என்பது குறிப்பிடத்தக்கது.