அட பாவமே.. மதகஜராஜா படத்தில் “மை டியர் லவ்வரு” பாட்டை விஷால் பட இதுதான் காரணமா?.. உண்மையை போட்டுடைத்த சுந்தர் சி..!

தமிழ் சினிமாவில் முன்னணி இயக்குனர்களில் ஒருவராக இருப்பவர் தான் சுந்தர் சி. இவர் கடந்த 2012 ஆம் ஆண்டு விஷாலை வைத்து மதகஜராஜா என்ற திரைப்படத்தை இயக்குவதாக அறிவித்திருந்தார். தொடர்ந்து இப்படத்தின் படப்பிடிப்பு அதிவேகத்தில் முடிந்தது. அதே ஆண்டு இந்த திரைப்படம் திரைக்கு வரும் என்று எதிர்பார்க்கப்பட்ட நிலையில் படம் வெளியாகவில்லை. இது திரைப்படத்தில் விஷால், சந்தானம், வரலட்சுமி, சதீஷ், நிதின் சத்யா, சோனு சூட், அஞ்சலி மற்றும் மறைந்த நடிகர்கள் மணிவண்ணன், மயில்சாமி, மனோபாலா மற்றும் சிட்டிபாபு என பலரும் நடித்திருந்தனர். ஜெமினி ஃபிலிம் சர்க்யூட் நிறுவனம் இந்த படத்தை தயாரித்திருந்த நிலையில் விஜய் ஆண்டனி இசை அமைத்திருந்தார்.

இந்த படத்தில் ஆர்யா கெஸ்ட் ரோலிலும், சதா ஒரு பாடலுக்கும் நடனமாடியுள்ளார். மதகஜராஜாவை சுருக்கமாக எம்ஜிஆர் என்று அழைத்து வந்தனர். இந்த திரைப்படத்திற்கு ரசிகர்கள் மத்தியில் மிகுந்த எதிர்பார்ப்பு இருந்த நிலையில் படம் எப்போது வரும் அப்போது வரும் என்று தகவல் மட்டுமே வெளியாகிக் கொண்டிருந்தது. ஒரு கட்டத்தில் இந்த படத்தையே ரசிகர்கள் மறந்து போன நிலையில் தற்போது 12 ஆண்டுகளுக்குப் பின்னர் இந்த படத்தின் வெளியீட்டு தேதி சாத்தியமாகியுள்ளது. அதாவது இந்த திரைப்படம் பொங்கல் பண்டிகையை முன்னிட்டு வருகின்ற ஜனவரி 12ஆம் தேதி திரையரங்குகளில் வெளியாகும் என படக்குழு அதிகாரபூர்வமாக அறிவித்துள்ளது.

இப்படியான நிலையில் மதகஜராஜா படம் குறித்தும் அதில் இடம்பெற்ற விஷால் பாடிய மை டியர் லவ்வரு பாடல் குறித்து சுந்தர் சி, விஜய் ஆண்டனி மற்றும் விஷால் ஆகிய மூவரும் கலந்து கொண்ட பழைய பேட்டி ஒன்று தற்போது இணையத்தில் வைரலாகி வருகிறது. அதில், மைடியர் லவ்வர் சாங் எழுதிய பிறகு விஜய் ஆண்டனி என்கிட்ட வந்து புதுசா யாராவது ஒரு பாடகரா இருக்கு சூஸ் பண்ணலாம் என்று சொன்னாரு. அது மட்டுமல்லாமல் இந்தப் பாட்டு பாடுறவங்க வாய்ஸ் ஓரளவுக்கு சுமாரா இருந்தா மட்டும் போதும் இந்த பாட்டு தான் அவங்க பாடுற முதல் பாட்டாக இருக்கணும் அதே சமயம் இந்த பாட்டு தான் அவங்க பாடுதா கடைசி பாட்டாகவும் இருக்கணும் என்று சொன்னாரு.

அந்த சமயத்துல தான் விஷால் அங்க வந்தாரு. உடனே எங்க இருவர் பார்வையும் விஷால் பக்கம் தான் திரும்பியது என சுந்தர் சி பேசியுள்ளார். தொடர்ந்து பேசிய விஜய் ஆண்டனி, உண்மையிலேயே விஷால் வாய்ஸ் அந்த பாட்டுல ரொம்ப நல்லா இருந்துச்சு. முதல் டைம் பாடுற அவரு தன்னால் முடிந்த பெஸ்ட்டை கொடுத்தாரு. இந்தப் பாட்டு கேட்டதுக்கு அப்புறம் எல்லாருக்குமே தெரியும் ஒரு சிறந்த பாடகரை மிஸ் பண்ணிட்டோம் என்று என விஜய் ஆண்டனி பேசியுள்ளார். அது தொடர்பான வீடியோ தற்போது இணையத்தில் வைரலாகி வருகிறது.