தரிசனம் செய்ய தாமதமானதால் ஆத்திரம்… பெண் காவல் ஆய்வாளரைத் தாக்கிய விஐபி…கோயிலில் வெடித்த பயங்கர மோதல்…கைகட்டி வேடிக்கை பார்க்கும் காவல் துறை?…!!

கடந்த ஆகஸ்ட் 12ஆம் தேதியன்று மண்டியா மாவட்டம் ஸ்ரீரங்கப்பட்டணா தாலுகாவில் உள்ள ஆரத்தி உக்கடா கோயிலில் பாதுகாப்புப் பணியில் ஈடுபட்டிருந்த பெண் காவல் உதவி ஆய்வாளர் சவிதா என்பவர் தாக்கப்பட்டுள்ளார். சாமி தரிசனம் செய்வதில் ஏற்பட்ட காலதாமதம் காரணமாக, துமகூரு ஊரக பாஜக சட்டமன்ற உறுப்பினர் சுரேஷ் கௌடாவின் மகளான ஐஸ்வர்யா, உதவி ஆய்வாளரை தகாத வார்த்தைகளால் பேசி, கன்னத்தில் அறைந்து அவரது அரசுப் பணிக்கு இடையூறு விளைவித்ததாகக் கூறப்படுகிறது. இந்தச் சம்பவம் தொடர்பாகக் கியாத்தனஹள்ளி காவல்துறையினர் ஐஸ்வர்யா மீது பிஎன்எஸ் சட்டத்தின் பல பிரிவுகளின் கீழ் முதல் தகவல் அறிக்கையைப் பதிவு செய்துள்ளனர்.

அதேவேளையில், காவல் உதவி ஆய்வாளர் தங்களை அவதூறாகப் பேசியதாகக் கூறி எம்எல்ஏவின் மகள் தரப்பிலும் அவர் மீது ஒரு எதிர் புகார் பதிவு செய்யப்பட்டுள்ளது. இச்சம்பவம் நிகழ்ந்து ஒரு நாளுக்கு மேல் ஆகியும், குற்றம் சாட்டப்பட்டவர் இதுவரை கைது செய்யப்படவோ அல்லது அவருக்கு காவல்துறையால் முறையான சம்மன் அனுப்பப்படவோ இல்லை. உயர் காவல்துறை அதிகாரிகளின் தலையீடும், அவர்கள் கொடுத்த அழுத்தமுமே இந்த நடவடிக்கைத் தாமதத்திற்கும், திட்டமிட்டு எதிர் வழக்குப் பதிவு செய்யப்பட்டதற்கும் முக்கியக் காரணம் எனப் பல்வேறு தரப்பிலும் கேள்விகளும் விமர்சனங்களும் எழுந்துள்ளன.