ஷாக்கிங் உண்மை..! அசந்து போயிருவீங்க… நைஸாக எஸ்கேப்… பெரிய நடிகர்களின் பார்ட்டியை தவிர்த்த பொன்னம்பலம்… இணையத்தை அதிரவைக்கும் வைரல் பேட்டி…!!

தமிழ் சினிமாவில் ரஜினி, கமல் உள்ளிட்ட பல முன்னணி நடிகர்களுடன் வில்லனாக நடித்து பிரபலமானவர் நடிகர் பொன்னம்பலம். ‘நாட்டாமை’ படத்தில் இவர் பேசிய ‘தாய்க்கிழவி’ வசனம் இன்று வரை மீம்ஸ்களில் கொண்டாடப்படுகிறது. பிக்பாஸ் நிகழ்ச்சியிலும் கலந்துகொண்ட இவர், சமீபத்தில் சிறுநீரகப் பிரச்சனையால் பாதிக்கப்பட்டு மருத்துவமனையில் சிகிச்சை பெற்றார். அந்த இக்கட்டான காலகட்டத்தில் திரைத்துறையைச் சேர்ந்த பலரும் உதவாத நிலையில், நடிகர் தனுஷ் போன்ற ஒருசிலர் மட்டுமே தனக்குப் பேருதவி செய்ததாக அவர் முன்னரே நெகிழ்ச்சியுடன் கூறியிருந்தார்.

இந்த நிலையில், பொன்னம்பலம் முன்பு அளித்த பழைய பேட்டி ஒன்று தற்போது சமூக வலைதளங்களில் மீண்டும் வைரலாகி வருகிறது. அந்தப் பேட்டியில், தனது நண்பர்கள் மற்றும் திரைத்துறை அனுபவங்கள் குறித்து அவர் மனம் திறந்து பேசியுள்ளார். திரையுலகில் தான் புகழின் உச்சத்தில் இருந்தபோது, பெரிய நடிகர்கள் பலரும் தங்களோடு மது அருந்த வருமாறு தன்னை அழைப்பார்கள் என்று அவர் தெரிவித்துள்ளார். ஆனால், அந்த அழைப்புகளை நாசுக்காக மறுத்துவிட்டு, படப்பிடிப்பு முடிந்ததும் தன்னுடன் படித்த மற்றும் சகோதரர்களைப் போன்ற நண்பர்களுடனே நேரத்தைச் செலவிடுவதை அவர் வழக்கமாகக் கொண்டிருந்தார்.

தன்னுடன் இருக்கும் நண்பர்கள் வசதி வாய்ப்பற்ற ஏழைகளாக இருந்தாலும், அவர்களிடமே உண்மையான பாசம் இருப்பதாகவும் அவர் அந்தப் பேட்டியில் குறிப்பிட்டுள்ளார். பணக்காரர்களைத் தேடித் தேடிச் சென்று அவர்களுடன் பழகுவதில் தனக்கு விருப்பமில்லை என்றும், உண்மையான அன்பை யாரிடமும் கட்டாயப்படுத்திக் கேட்டுப் பெற முடியாது என்றும் அவர் கூறியுள்ளார். நாம் நம் வேலையைச் சரியாகச் செய்தாலே அன்பு தானாகத் தேடி வரும் எனத் தெரிவித்துள்ள பொன்னம்பலம், தன்னிடம் உண்மையான அன்புகொண்ட எளிய மனிதர்களுடனான நட்பையே தான் எப்போதும் பெரிதாகக் கருதுவதாகத் தெளிவுபடுத்தியுள்ளார்.