ஜனகராஜை மனதில் வைத்து எழுதிய கதையில் நடித்த விஜயகாந்த்.. அதிரி புதிரி ஹிட்.. எந்த படம் தெரியுமா?

தமிழ் சினிமாவில் 80 களிலும், 90 களிலும் மிகப்பெரிய ஆக்‌ஷன் ஹீரோவாக வலம் வந்தவர் விஜயகாந்த். அவர் நடித்த ஊமை விழிகள், கேப்டன் பிரபாகரன், புலன் விசாரணை, வானத்தைப் போல, சின்னக்கவுண்டர் மற்றும் ரமணா உள்ளிட்ட படங்கள் எல்லாம் பிளாக்பஸ்டர் ஹிட்களாக அமைந்தன.

முழுக்க முழுக்க ஆக்‌ஷன் படங்களில் நடித்தாலும் அவ்வப்போது குடும்ப பாங்கான திரைப்படங்களிலும் நடித்து பெண் ரசிகர்களை ஈர்த்து வந்தார் விஜயகாந்த். அப்படி அவர் நடிப்பில் 1999 ஆம் ஆண்டு வெளியாகி மிகப்பெரிய வெற்றி பெற்ற திரைப்படம்தான் வானத்தைப் போல. அந்த படம் 175 நாட்கள் ஓடி வசூலைக் குவித்தது. அந்த படத்தில் விஜயகாந்துக்கு ஒரே ஒரு சண்டைக் காட்சி மட்டும்தான். அதுவும் கிளைமேக்ஸில்தான். ஏனென்றால் கதைக்களமே குடும்ப உறவுகளும், அவர்களுக்குள் நடக்கும் பாசப்போராட்டமும்தான்.

முதலில் இந்த கதையை இயக்குனர் விக்ரமன் விஜயகாந்துக்காக எழுதவில்லையாம். அவர் நகைச்சுவை நடிகர் ஜனகராஜை மனதில் வைத்துதான் இந்த படத்துக்கு கதை எழுதியுள்ளார். ஜனகராஜ் மூத்த அண்ணனாகவும், நெப்போலியன், சுவலட்சுமி தம்பி தங்கை என கதையை உருவாக்கியுள்ளார் இயக்குநர் விக்ரமன்.

பின்னர் இக்கதையை சூப்பர்குட் பிலிம்ஸ் ஆர்.பி.சௌத்ரியிடம சொல்ல அவரும் மகிழ்ச்சியுடன் ஒத்துக் கொண்டார். பின்னர் இந்தக் கதைக்கு சரத்குமார் ஹீரோவாக நடித்தால் சரியாக இருக்கும் என்று அவர் ஆலோசனை கூறியுள்ளார். ஆனால் சரத்குமாருக்கு இந்த கதை செட் ஆகாது எனக் கூறி சூர்யவம்சம் படத்தை எடுத்துள்ளார். அந்த படம் வெளியாகி மிகப்பெரிய் பிளாக்பஸ்டர் படமாக அமைந்தது.

அதன்பின் தான் வானத்தைப் போல கதையை மீண்டும் தூசு தட்டி விஜயகாந்துக்கு இரட்டை வேடம் கொடுத்து, தங்கை கதாபாத்திரத்தை இன்னொரு தம்பியாக மாற்றியுள்ளார்.  இந்தக் கதையை விஜயகாந்திடம் சொல்ல அவருக்கு மிகவும் பிடித்திருந்தது. அப்படி உருவானதுதான் வானத்தைப் போல திரைப்படம்.