“சினிமாவே எனக்கு வேண்டாம், ஆள விடுங்க”- கும்புடு போட்டு பொட்டியை கட்ட தயாராக இருந்த விஜயகாந்த், ஆனா அதுக்கப்புறம் நடந்ததுதான் டிவிஸ்ட்!

1987 ஆம் ஆண்டு விஜயகாந்த், ராதிகா, ராதா உள்ளிட்ட பலரின் நடிப்பில் வெளிவந்த திரைப்படம் “உழவன் மகன்”. இத்திரைப்படத்தை ஆர்.அரவிந்த்ராஜ் இயக்க விஜயகாந்த் தனது நண்பரான இராவுத்தரின் பெயரில் இத்திரைப்படத்தை தயாரித்திருந்தார்.

விஜயகாந்த் தயாரித்த முதல் திரைப்படம் இதுதான். ஆனால் அவர் நினைத்தது போல் எதுவும் நடக்கவில்லை. அதாவது இத்திரைப்படத்தின் படப்பிடிப்பு 200 நாட்களுக்கு மேல் நீடித்ததாம். ஆதலால் மிகவும் மனக்கஷ்டத்திற்கு உள்ளானாராம் விஜயகாந்த். “இனிமே படமே தயாரிக்க கூடாது” என்று விஜயகாந்த் முடிவெடுத்தாராம்.

எனினும் செந்தில்நாதன் என்ற இயக்குனருரிடம் ஒரு கடமை பாக்கி இருந்ததால் அவரின் இயக்கத்தில் ஒரு திரைப்படத்தை தயாரிக்க முடிவு செய்தாராம் விஜயகாந்த். அப்படி செந்தில்நாதன் இயக்கத்தில் விஜயகாந்த் நடித்த திரைப்படம்தான் “பூந்தோட்டக் காவல்காரன்”.

“பூந்தோட்டக் காவல்காரன்” திரைப்படத்தை செந்தில்நாதன் இயக்க அதில் விஜயகாந்த், ராதிகா ஆகியோர் நடித்திருந்தனர். இத்திரைப்படத்தின் படப்பிடிப்பை 30 நாட்களுக்குள் முடித்துக்கொடுத்தாராம் செந்தில்நாதன். மேலும் இத்திரைப்படம் வெளிவந்த பிறகு வேற லெவலில் ஹிட் அடித்திருக்கிறது.

இத்திரைப்படம் ஓடிய பிறகுதான் இனி நாம் திரைப்படங்களை தயாரிக்கலாம் என்ற நம்பிக்கை விஜயகாந்திற்கு வந்ததாம். “பூந்தோட்டக் காவல்காரன்” திரைப்படத்தில் இடம்பெற்ற சிந்திய வெண்மணி என்ற பாடல் விஜயகாந்த் மறைந்த சமயத்தில் அனைவராலும் பகிரப்பட்ட பாடல் என்பது குறிப்பிடத்தக்கது.