நான் ஒன்னும் உங்கள பார்க்க வரல.. ராதிகாவை நோஸ்கட் செய்த விஜய்.. அப்படி என்ன விஷயமா இருக்கும்..!!

கோலிவுட்டில் பாக்ஸ் ஆபிஸ் கிங்காக வலம் வருபவர் விஜய். வெங்கட் பிரபு இயக்கத்தில் விஜய் நடிப்பில் உருவான GOAT திரைப்படம் விரைவில் திரைக்கு வர உள்ளது. அடுத்ததாக வினோத் இயக்கும் படத்தில் விஜய் நடிக்க இருப்பதாக கூறப்படுகிறது. தனது 69-வது படத்துடன் சினிமாவில் இருந்து விலகி முழு நேரமாக விஜய் அரசியலில் ஈடுபட போகிறார்.

தமிழக வெற்றி கழகம் என்ற கட்சியை தொடங்கி அதன் மூலம் நற்பணிகளை செய்ய ஆரம்பித்துள்ளார். வருகிற 2026-ஆம் ஆண்டு சட்டப்பேரவை தேர்தலில் விஜயின் தமிழக வெற்றிக் கழகம் போட்டியிடுகிறது. இப்போது விஜய் பற்றிய சுவாரசியமான தகவல் வெளியாகி உள்ளது. சினிமாவில் நட்சத்திர தம்பதிகளாக வலம் வருபவர்கள் சரத்குமார் ராதிகா தம்பதியினர். ராதிகா தெறி உள்ளிட்ட படங்களில் விஜய்க்கு அம்மாவாக நடித்துள்ளார்.

ஒருமுறை ராதிகாவின் வீட்டிற்கு விஜய் சென்றுள்ளார். உடனே ராதிகா சரத்குமாரின் மகன் ராகுல் தனது தந்தையை செல்போன் மூலம் தொடர்பு கொண்டு விஜய் வந்திருப்பதாக கூறினார். சரத்குமார் தன் வெளியே இருப்பதாகவும் விரைவில் வந்து விடுவதாகவும் கூறினார். வீட்டில் இருந்த ராதிகாவும் விஜய்யின் வருகையை எதிர்பார்க்கவில்லை. அப்போது விஜய் நான் ஒன்னும் உங்களை பார்க்க வரவில்லை. நான் ராகுலுடன் சிறிது நேரம் விளையாடிவிட்டு செல்லலாம் என வந்தேன் என கூறிவிட்டாராம்.

ராகுல் விஜயின் தீவிர ரசிகர். அந்த சம்பவம் நடைபெற்ற போது ராகுல் சிறுவனாக இருந்துள்ளார். பின்னர் வாரிசு திரைப்படத்தில் சரத்குமார் விஜய்க்கு அப்பாவாக நடித்த போது என் மகன் கேர்ள் பிரண்டை பற்றி பேசுகிறான் விஜய் என கூறியுள்ளார். அதற்கு விஜய் “விடுங்க சார். இதுதான் வயசு என சொல்லி கூல் செய்தாராம்”. இதனை கேள்விப்பட்ட ரசிகர்கள் விஜய் ரொம்ப கூலா இருக்காரு என கமெண்ட் செய்து வருகின்றனர்.