காதலை அறிவித்த இரண்டே நாளில்.. நடிகையுடன் சத்தமில்லாமல் திருமணம் முடித்த விஜய் டிவி சீரியல் நடிகர்..!

மிழி ரெண்டிலும் என்ற சீரியல் மூலமாக சின்னத்திரை ரசிகர்கள் மத்தியில் பிரபலமானவர்தான் சலமானுல். இந்த தெலுங்கு சீரியலில் பிரபலமாவதற்கு முன்பே விஜய் டிவியில் ஒளிபரப்பான மௌன ராகம் 2 சீரியலில் கதாநாயகனாக நடித்த இவர் தமிழ் ரசிகர்கள் மத்தியில் பிரபலமானார். இதனிடையே சமீபத்தில் சீரியலில் தன்னுடன் ஒன்றாக நடித்த நடிகை மேகா என்ற சஞ்சு லட்சுமியை திருமணம் செய்து கொள்ள உள்ளதாக அறிவித்திருந்தார். இது தொடர்பாக அவர் வெளியிட்ட பதிவில், திரு & திருமதி சஞ்சு முதல் திரு & திருமதி சல்மான் வரை. வாழ்க்கையின் அனைத்து மகிழ்ச்சிகளையும் அன்பையும், அக்கறையையும், துக்கத்தையும், பயணங்களையும் இணைந்து பகிர்ந்து கொள்ள நாங்கள் முடிவு செய்துள்ளோம்.

எப்போதும் எங்களை ஆதரித்த அனைவருக்கும் நன்றி, உங்கள் அனைவரையும் நேசிக்கிறோம் என்று பதிவு திருமணம் செய்திருந்த வீடியோவை சல்மானுல் வெளியிட்டிருந்தார். இவர் பதிவு திருமணம் செய்துள்ளதால் குடும்பத்தினர் சம்மதம் இல்லாமல் ஓடிப் போய் திருமணம் செய்து கொண்டாரா என்று ரசிகர்கள் கேள்வி எழுப்பி வருகிறார்கள். கடந்த ஆண்டு மேகா தன்னுடைய 19ஆவது பிறந்த நாளை கொண்டாடிய போது அதன் புகைப்படங்களையும் வீடியோக்களையும் அவர் சமூக வலைத்தளங்களில் பகிர்ந்து இருந்தார்.

குழந்தை நட்சத்திரமாக சினிமாவில் அறிமுகமான மேகம மகேஷ் பிரணயம் என்ற சீரியல் மூலமாகத்தான் அறிமுகமானார். அதன் பிறகு மிழி இரண்டிலும் சீரியல் மூலமாகத்தான் இருவரும் ரசிகர்களுக்கு பரிச்சயம் ஆனார்கள். அப்போது நட்பாக பழகிய இவர்கள் பிறகு காதலர்களாக மாறிய நிலையில் தற்போது சத்தம் இல்லாமல் திருமணம் முடித்து தம்பதிகளாகவும் மாறியுள்ளனர். இதனைத் தொடர்ந்து ரசிகர்கள் பலரும் இந்த தம்பதிகளுக்கு வாழ்த்து தெரிவித்து வருகிறார்கள்.