2026 தேர்தல்… திடீரென முடிவை மாற்றிய விஜய்… யாரும் எதிர்பார்க்காத ட்விஸ்ட்…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதேசமயம் கூட்டணி குறித்த பேச்சு வார்த்தையும் மும்முரமாக நடந்து கொண்டிருக்கிறது. அதிமுக மற்றும் திமுக இடையே தான் போட்டி என்ற நிலைமை மாறி தற்போது விஜய் களத்தில் இறங்கியுள்ளதால் 2026 ஆம் ஆண்டு சட்டமன்றத் தேர்தல் பரபரப்பாக பார்க்கப்படுகிறது. 2026 சட்டமன்ற தேர்தலை இலக்காக கொண்டு விஜயின் தமிழக வெற்றி கழகம் அரசியல் களத்தில் முதல்முறையாக தேர்தலை எதிர்கொள்ள உள்ளது.

இதற்காக கடந்த ஆறு மாதங்களாக விஜய் தீவிர அரசியல் பணியில் ஈடுபட்டு வருகிறார். குறிப்பாக கட்சியில் 2 கோடிக்கும் அதிகமான உறுப்பினர் சேர்க்கை, மாவட்ட வாரியாக வாக்குச்சாவடி குழு கூட்டம் அமைப்பது, மாவட்டச் செயலாளர்கள் கூட்டம் ஆகியவற்றை நடத்தி கட்சியை வலுப்படுத்தும் நோக்கில் ஈடுபட்டு வருகின்றார். தொடர்ந்து பல பிரச்சினைகளுக்கு குரல் கொடுத்து வரும் விஜய் சமீபத்தில் தன்னுடைய தேர்தல் பிரச்சாரத்தை தொடங்கி இருந்தார். இதுவரை இரண்டு கட்டமாக பிரச்சாரம் நடந்துள்ள நிலையில் மூன்றாவது கட்டமாக இன்று கரூர் மற்றும் நாமக்கல்லில் விஜய் பிரச்சாரம் மேற்கொள்ள உள்ளார்.

இந்நிலையில் 2026 தேர்தலுக்காக விஜய் புதிய முடிவை எடுத்துள்ளதாக தகவல் வெளியாகி உள்ளது. தமிழக வெற்றி கழகம் கட்சியில், N. ஆனந்த், அருண் ராஜ் உள்ளிட்ட ஒரு சில தலைவர்கள் மட்டுமே மக்களுக்கு அறியப்பட்டவர்களாக உள்ளன. பல மாவட்டச் செயலாளர்களை நிர்வாகிகளுக்கு கூட தெரியாத சூழல் உள்ளதால் பரப்புரையின் போது அந்தந்த தொகுதிகளின் முக்கிய நிர்வாகிகளை மக்களுக்கு விஜய் அறிமுகம் செய்ய திட்டமிட்டுள்ளதாக தகவல் வெளியாகி உள்ளது.