புதிய கெட்டப்பில் வந்து மிரட்டிய விஜய் சேதுபதி.. ஆள் அடையாளமே தெரியல.. அந்த சூப்பர் ஹிட் படத்திற்காக இருக்குமோ..?

முன்னணி கதாநாயகரான விஜய் சேதுபதி இயக்குனர் கார்த்திக் சுப்புராஜ் இயக்கத்தில் வெளியான பீட்சா திரைப்படத்தின் மூலம் கதாநாயகனாக அறிமுகமானார். இந்த படத்திற்கு முன்பு விஜய் சேதுபதி பல படங்களில் நடித்திருந்தார். ஆனால் இந்த படம் தான் விஜய் சேதுபதி யார் என்பதை அறிய முக்கியமாக இருந்தது.

இதனையடுத்து நடுவுல கொஞ்சம் பக்கத்த காணோம், சூது கவ்வும், இதற்கு தானே ஆசைப்பட்டாய் பாலகுமாரா உள்ளிட்ட வெற்றி படங்களில் நடித்து முன்னணி நடிகராக வலம் வருகிறார். மக்கள் செல்வன் என் அன்போடு அழைக்கப்படும் விஜய் சேதுபதியின் யதார்த்தமான பேச்சு, நடிப்பு உள்ளிட்டவை ரசிகர்களை வெகுவாக ஈர்த்துள்ளது. திரையுலகில் ஹீரோவாக மட்டுமில்லாமல் வில்லனாகவும் நடித்து விஜய் சேதுபதி மிரட்டி வருகிறார்.

அதன்படி விக்ரம் வேதா படத்தில் வில்லன் கதாபாத்திரத்தில் நடித்தார். அந்த படம் ரசிகர்களிடைய நல்ல வரவேற்பை பெற்று தந்தது. இதனைத் தொடர்ந்து விஜயின் மாஸ்டர், கமலின் விக்ரம், சூரியின் விடுதலை, ஷாருக்கானின் ஜவான் உள்ளிட்ட படங்களில் விஜய் சேதுபதி வில்லன் கதாபாத்திரத்தில் நடித்து ரசிகர்களை மிகவும் கவர்ந்து விட்டார்.

படங்களில் பிஸியாக நடித்து வரும் விஜய் சேதுபதி இயக்குனர் அமீர் திறந்த உணவகத்தின் சிறப்பு விழாவிற்கு சிறப்பு விருந்தினராக சென்றுள்ளார். அப்போது வித்தியாசமான கெட்டப்பில் என்ட்ரி கொடுத்த விஜய் சேதுபதியை பார்த்து ரசிகர்கள் ஆச்சரியத்தில் உள்ளனர். ஏற்கனவே விஜய் சேதுபதி, சூரி நடித்த விடுதலை படம் சூப்பர் ஹிட் ஆனது. இந்த படத்தின் இரண்டாம் பாகத்தின் படப்பிடிப்பு விறுவிறுப்பாக நடந்து கொண்டிருக்கிறது.

அந்த படத்தை வெற்றிமாறன் இயக்குகிறார். விடுதலை 2 படத்தில் விஜய் சேதுபதியின் ஃப்ளாஷ் பேக் உள்ளிட்ட காட்சிகளை காண்பிக்கவுள்ளனர். இதன் படபிடிப்பு பல்வேறு பகுதிகளில் நடைபெற்றுக் கொண்டிருக்கிறது. புதிய கெட்டப்பில் விஜய் சேதுபதி எந்த படத்தில் நடிக்கிறார் என ரசிகர்கள் குழப்பத்தில் இருந்தனர். விஜய் சேதுபதியின் புதிய கெட்டப் விடுதலை 2 படத்தின் வாத்தியார் கேரக்டராக இருக்கலாம் என்ற தகவல் வெளியாகியுள்ளது.