விஜய்க்கு எதிராகப் போர்க்கொடி தூக்கிய சரத்குமார்… “விஜய் ஒரு தலைவனே கிடையாது!”… மேடையிலேயே சீறிய சரத்குமார்… 2026-ல் த.வெ.க-விற்கு எதிராக எடுத்த விஸ்வரூப முடிவு…!!!

தமிழக அரசியலில் பரபரப்பை ஏற்படுத்தியுள்ள சமீபத்திய நிகழ்வாக, நடிகர் மற்றும் முன்னாள் எம்.எல்.ஏ ஆர். சரத்குமார், தமிழக வெற்றிக் கழகத்தின் தலைவர் விஜய்க்கு எதிராகக் கடுமையான விமர்சனங்களை முன்வைத்துள்ளார். செய்தியாளர்களிடம் பேசிய அவர், “விஜய் ஒரு தலைவனே கிடையாது” என்று ஆவேசமாகத் தெரிவித்தார்.

மேலும், வரும் 2026 சட்டமன்றத் தேர்தலில் த.வெ.க-விற்கு எதிராகத் தான் தீவிரமாகப் பிரச்சாரம் செய்யப் போவதாகவும் அவர் பகிரங்கமாக அறிவித்துள்ளார். விஜய்யின் அரசியல் நகர்வுகள் மற்றும் மதிப்பீடுகள் குறித்துக் கேட்கப்பட்ட கேள்விக்கு இத்தகைய காட்டமான பதிலைச் சரத்குமார் அளித்துள்ளது அரசியல் வட்டாரத்தில் பெரும் விவாதத்தைக் கிளப்பியுள்ளது.

இந்நிலையில் பாஜகவில் தனது அகில இந்திய சமத்துவ மக்கள் கட்சியை இணைத்த பிறகு, தனக்கும் தனது ஆதரவாளர்களுக்கும் உரிய அங்கீகாரம் மற்றும் பொறுப்புகள் வழங்கப்படவில்லை என்கிற அதிருப்தியில் இருந்த சரத்குமார், இந்தச் சந்திப்பின் மூலம் தனது ஆதங்கத்தை வெளிப்படுத்தினார். கட்சி இணைப்பின் போது அளிக்கப்பட்ட வாக்குறுதிகள் நிறைவேற்றப்படவில்லை என்றும், தேர்தல் பணிகளில் ஈடுபடத் தகுந்த அதிகாரங்கள் வழங்கப்படவில்லை என்றும் அவர் குற்றம் சாட்டினார்.

இருப்பினும், மீண்டும் தனிக்கட்சி தொடங்கும் எண்ணம் இல்லை என்று குறிப்பிட்ட அவர், விஜய்யின் அரசியல் செயல்பாடுகளை விமர்சிப்பதோடு, வரும் தேர்தலில் த.வெ.க-வின் வெற்றி வாய்ப்பைத் தடுக்கப் போவதாகவும் உறுதியாகக் கூறியுள்ளார்.