“எதிர்த்துப் பேசினால்தான் எதிர்க்கட்சி” உதயநிதி சொன்ன அந்த வார்த்தை… தனது பாணியில் பதிலடி கொடுத்த முதல்வர் விஜய்…!!

தமிழ்நாடு சட்டமன்றப் பேரவையில் ஆளுநர் உரைக்கு நன்றி தெரிவிக்கும் தீர்மானம் மீதான விவாதத்தில், முதலமைச்சர் விஜய் தமிழக மக்களுக்கும் எதிர்க்கட்சித் தலைவருக்கும் நெகிழ்ச்சியுடன் தனது நன்றியைத் தெரிவித்துள்ளார். தங்களது தமிழக வெற்றிக் கழகத்தின் சட்டமன்ற உறுப்பினர்களைத் தேர்ந்தெடுத்து, தனக்கு மக்கள் பணியாற்றும் மாபெரும் வாய்ப்பை வழங்கிய தமிழக மக்களுக்கு “நிரந்தரமாக என் நெஞ்சில் குடியிருக்கும் தமிழக மக்களுக்கு நெஞ்சம் நிறைந்த நன்றி” எனத் தனது வழக்கமான பாணியில் நெகிழ்ந்து உருகியுள்ளார். மேலும், சட்டமன்றத்தில் தனக்கு எதிராகக் கடுமையான விமர்சனங்களை முன்வைத்த எதிர்க்கட்சித் தலைவரை நோக்கி, “எதிர்த்துப் பேசினால்தான் எதிர்க்கட்சியாகச் செயல்பட முடியும் என்று பேசிய எதிர்க்கட்சித் தலைவருக்கு நன்றி” எனக் கூறி தனது அரசியல் நாகரிகத்தையும் முதிர்ச்சியையும் வெளிப்படுத்தியுள்ளார்.

தொடர்ந்து அவையில் பேசிய அவர், திரையுலகில் இருந்து தான் நேரடியாக முதலமைச்சர் நாற்காலியை எட்டிப்பிடித்துவிட்டது போலச் சிலர் சித்தரிக்க முயல்வதைக் கடுமையாகச் சாடியுள்ளார். தங்களின் இத்தகைய விமர்சனங்கள் அனைத்தும் வெறும் கற்பனையான “ரீல்” நாடகமே தவிர, அதில் எவ்வித உண்மையும் இல்லை என்றும், தற்போதைய த.வெ.க அரசின் செயல்பாடுகளும் மக்களின் நிஜப் பிரச்சினைகளுக்கான உழைப்பும் மட்டுமே “ரியல்” என்றும் அவர் திட்டவட்டமாக முழங்கியுள்ளார். தற்போதைய அரசியல் சூழலில் ஆளுங்கட்சிக்கும் எதிர்க்கட்சிக்கும் இடையே விவாதங்கள் சூடுபிடித்துள்ள நிலையில், முதலமைச்சரின் இந்த அதிரடி பதிலுரை அவரது ஆதரவாளர்களிடையே மிகுந்த வரவேற்பைப் பெற்றுள்ளது.