தவெக – அதிமுக கூட்டணி… கனவு காணும் EPS …. மௌனம் காக்கும் விஜய்… பின்னணி என்ன…?

அதிமுக மற்றும் திமுக இடையே போட்டி என்ற நிலை மாறி தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாகவே பார்க்கப்படுகிறது. இது ஒரு பக்கம் இருக்க மறுபக்கம் விஜயை தங்கள் பக்கம் இழுக்கும் முயற்சியில் பாஜக மற்றும் அதிமுக உள்ளிட்ட கட்சிகள் தீவிரம் காட்டி வருகின்றன. ஆனால் விஜய் யாருடன் கூட்டணி அமைக்க போகிறார் என்ற எதிர்பார்ப்பு அதிகமாகவே உள்ளது. அதேசமயம் கரூர் சம்பவத்திற்கு பிறகு தனது கட்சியை பலப்படுத்தும் முயற்சியில் விஜய் களமிறங்கியுள்ளார்.

கரூர் சம்பவத்தை தொடர்ந்து,  விஜய்க்கு அதிமுக தொடர்ந்து ஆதரவு தெரிவித்து வருகிறது. இதன் காரணமாக, இபிஎஸ் கூட்டங்களுக்கு தவெக தொண்டர்கள் அக்கட்சியின் கொடிகளுடன் கலந்துகொண்டு வருகின்றனர். இதனால், இபிஎஸ்-ம் TVK தங்களது கூட்டணியில் இணைந்துவிடும் என்ற எண்ணத்தில் உள்ளார். ஆனால், விஜய் மௌனமாக இருப்பதன் பின்னணி என்ன? என்று யாருக்கும் தெரியவில்லை. ஆனால் விஜய்க்கு, அதிமுகவுடன் கூட்டணி அமைப்பதில் விருப்பமில்லை என தவெக வட்டாரங்களில் பேசப்பட்டு வருகிறது.