“70 தொகுதிகள் + ஆட்சியில் பங்கு”…. காங்கிரஸிற்கு விஜய் கொடுத்த ‘பம்பர் ஆஃபர்’… டெல்லியில் நடந்த ரகசிய டீலிங்….!

தமிழக அரசியல் களம் தற்போது பெரும் பரபரப்பை சந்தித்து வருகிறது. குறிப்பாக, திமுக கூட்டணியில் தொகுதிப் பங்கீடு மற்றும் ‘ஆட்சியில் பங்கு’ போன்ற கோரிக்கைகளில் இழுபறி நீடித்து வரும் நிலையில், தமிழக வெற்றிக் கழகத் தலைவர் விஜய் காங்கிரஸுடன் கைகோர்க்கத் தயாராக இருப்பதாகத் தகவல்கள் வெளியாகியுள்ளன. டெல்லியில் இன்று ராகுல் காந்தி தலைமையில் நடைபெறும் ஆலோசனைக் கூட்டத்தில், திமுகவுடனான பிணைப்பைத் தொடர்வதா அல்லது புதிய வாய்ப்புகளைப் பரிசீலிப்பதா என்பது குறித்து தீவிரமாக விவாதிக்கப்பட உள்ளது.

காங்கிரஸ் தரப்பில் 40-க்கும் மேற்பட்ட தொகுதிகள் மற்றும் ஆட்சியில் அதிகாரப் பகிர்வு போன்ற கோரிக்கைகள் முன்வைக்கப்பட்ட நிலையில், திமுக அதற்கு உடன்படவில்லை எனக் கூறப்படுகிறது. இந்தச் சூழலைப் பயன்படுத்திக் கொண்ட விஜய் தரப்பு, காங்கிரஸிற்கு சுமார் 60 முதல் 70 தொகுதிகள் வரை ஒதுக்க முன்வந்திருப்பதோடு, அவர்கள் நீண்ட காலமாக எதிர்பார்க்கும் ‘ஆட்சியில் பங்கு’ என்ற கோரிக்கைக்கும் பச்சைக்கொடி காட்டியுள்ளதாகத் தெரிகிறது. இது காங்கிரஸின் இளைய தலைமுறையினரிடையே மிகுந்த உற்சாகத்தை ஏற்படுத்தியுள்ளது.

ஒருவேளை ராகுல் காந்தி விஜய்யின் இந்தத் திட்டத்திற்குச் சம்மதம் தெரிவித்தால், தமிழகத்தில் பல ஆண்டுகளாக நீடித்து வரும் திமுக – காங்கிரஸ் கூட்டணி முறிந்து, திமுக தனித்து விடப்படும் சூழல் உருவாகலாம். விஜய்யின் தமிழக வெற்றிக் கழகம் மற்றும் காங்கிரஸ் இணைவது தமிழகத்தின் அரசியல் சமன்பாடுகளையே அடியோடு மாற்றி அமைக்கும் என்று எதிர்பார்க்கப்படுகிறது. இன்றைய டெல்லி கூட்டத்தின் முடிவே தமிழகத்தின் அடுத்தக்கட்ட அரசியல் நகர்வைத் தீர்மானிக்கும் காரணியாக அமையும்.