“விஜய்க்கு பொண்டாட்டியா கூட இருப்போம்”… எதுவேணாலும் நாங்க செய்வோம்…. ஒரே பேட்டியில் தமிழ்நாட்டை அதிரவைத்த தளபதி ரசிகை….!

நடிகர் மற்றும் தமிழக வெற்றிக் கழகத்தின் தலைவர் விஜய் மற்றும் அவரது மனைவி சங்கீதா இடையேயான 27 ஆண்டுகால திருமண உறவில் விரிசல் ஏற்பட்டுள்ளதாக வெளியாகி இருக்கும் செய்திகள் தமிழகத்தில் பெரும் பரபரப்பை ஏற்படுத்தியுள்ளன. கடந்த சில ஆண்டுகளாகவே இவர்கள் இருவரும் தனித்தனியாக வசிப்பதாகக் கூறப்பட்ட நிலையில், தற்போது சங்கீதா செங்கல்பட்டு குடும்ப நல நீதிமன்றத்தில் விவாகரத்து கோரி அதிகாரப்பூர்வமாக மனு தாக்கல் செய்துள்ளார். இந்தத் தகவல் விஜய் ரசிகர்கள் மத்தியிலும் அரசியல் வட்டாரத்திலும் அதிர்ச்சியை ஏற்படுத்தியுள்ளது.

சங்கீதா தாக்கல் செய்துள்ள 12 பக்க மனுவில், தங்களது பிரிவுக்கு விஜய்யின் திருமணத்தைத் தாண்டிய உறவே காரணம் என்று குற்றம் சாட்டியுள்ளதாகத் தெரிகிறது. கடந்த 2021-ம் ஆண்டு ஏப்ரல் மாதம் விஜய்க்கு ஒரு நடிகையுடன் தொடர்பு இருப்பதை அறிந்ததாகவும், அது குறித்து தட்டிக் கேட்டபோது அவர் தன்னை ஒதுக்கி வைத்ததாகவும் சங்கீதா குறிப்பிட்டுள்ளார். மேலும், அந்த நடிகையுடனான தொடர்பை துண்டிப்பதாகக் கூறிவிட்டு, தொடர்ந்து அவருடன் நெருக்கமாக இருந்ததாகவும், இது தனக்கு மிகுந்த மன உளைச்சலையும் துரோகத்தையும் அளித்ததாக அவர் தனது மனுவில் விவரித்துள்ளார்.

விஜய் தற்போது முழுநேர அரசியலில் ஈடுபட்டு, 2026 சட்டமன்றத் தேர்தலை எதிர்கொள்ளத் தயாராகி வரும் நிலையில், இந்த விவாகரத்து விவகாரம் அரசியல் ரீதியாகவும் முக்கியத்துவம் பெற்றுள்ளது. விஜய்யின் அரசியல் வளர்ச்சியைத் தடுப்பதற்காக எதிர்க்கட்சிகளால் திட்டமிட்டு கிளப்பப்படும் வதந்தி இது என அவரது ஆதரவாளர்கள் கூறி வருகின்றனர். இருப்பினும், நீதிமன்றத்தில் மனு தாக்கல் செய்யப்பட்டுள்ளதால், இந்த விவகாரத்தை தனிப்பட்ட விஷயமாகக் கடந்து செல்ல முடியாமல் அவரது கட்சியினர் தவித்து வருகின்றனர்.

மறுபுறம், சமூக வலைதளங்களில் விஜய் ரசிகர்கள் சங்கீதாவின் முடிவுக்கு எதிராகவும், விஜய்க்கு ஆதரவாகவும் பல்வேறு கருத்துக்களைப் பகிர்ந்து வருகின்றனர். “எங்கள் தளபதிக்கு நாங்கள் தான் எல்லாம்” என உணர்ச்சிவசப்பட்டு பேசும் ரசிகர்களின் வீடியோக்கள் வைரலாகி வருகின்றன. இந்த விவாகரத்து வழக்கு மார்ச் 20-ஆம் தேதி விசாரணைக்கு வரவுள்ள நிலையில், அன்றைய தினம் விஜய் மற்றும் சங்கீதா இருவரும் நீதிமன்றத்தில் நேரில் ஆஜராவார்களா அல்லது சமரசப் பேச்சுவார்த்தை நடைபெறுமா என்பதை அறிய ஒட்டுமொத்த தமிழகமும் ஆவலுடன் காத்திருக்கிறது.