சோகம்…! மறைந்தார் மூத்த ஹாலிவுட் கலைஞர் டாம் நூனன்… திரையுலகினர் மற்றும் ரசிகர்கள் இரங்கல்..!!

ஹாலிவுட் திரையுலகின் தத்ரூபமான நடிப்பிற்குப் பெயர் பெற்ற மூத்த நடிகர் டாம் நூனன் (74) அண்மையில் காலமானார். 1980-களில் தனது கலைப்பயணத்தைத் தொடங்கிய இவர், ‘மேன்ஹன்டர்’ (Manhunter) திரைப்படத்தில் பிரான்சிஸ் டோலர்ஹைட் என்ற மிரட்டலான கதாபாத்திரத்திலும், ‘ஹீட்’ (Heat) திரைப்படத்திலும் நடித்து உலகப் புகழ்பெற்றார். நடிகராக மட்டுமின்றி, மிகச்சிறந்த நாடக ஆசிரியர் மற்றும் இயக்குநராகவும் பன்முகத்திறமை கொண்டவராக விளங்கிய இவரது மறைவை, பிரபல இயக்குநர் ஃப்ரெட் டெக்கர் உறுதிப்படுத்தியுள்ளார்.

தனது தனித்துவமான உடல்மொழி மற்றும் குரல் வளத்தால் பல மறக்க முடியாத வில்லன் மற்றும் குணச்சித்திர கதாபாத்திரங்களுக்கு உயிர் கொடுத்தவர் டாம் நூனன். இவரது மறைவு ஹாலிவுட் திரையுலகிற்கு ஒரு பேரிழப்பாகக் கருதப்படுகிறது. இவரது மறைவுக்குத் திரைத்துறை பிரபலங்கள் மற்றும் ரசிகர்கள் சமூக வலைதளங்களில் தங்களது ஆழ்ந்த இரங்கல்களைத் தெரிவித்து வருகின்றனர். கலை உலகில் அவர் பதித்த முத்திரைகள் என்றும் ரசிகர்களால் நினைவு கூரப்படும்.