அப்போ சிவகார்த்திகேயன் இல்லையா..? GOAT வெங்கட் பிரபுவின் அடுத்த ஹீரோ இவர்தானா…?

பிரபல இயக்குனரான வெங்கட் பிரபு கடந்த 2007 ஆம் ஆண்டு ரிலீசான சென்னை 600028 திரைப்படத்தின் மூலம் திரையுலகில் தனது பயணத்தை ஆரம்பித்தார். அதன் பிறகு சரோஜா, கோவா, மங்காத்தா, பிரியாணி, மாசு என்கிற மாசிலாமணி, மாநாடு உள்ளிட்ட பல்வேறு சூப்பர் ஹிட் படங்களை இயக்கினார்.

கடைசியாக விஜய் நடிப்பில் வெங்கட் பிரபு இயக்கத்தில் ரிலீசான தி கிரேட்டஸ்ட் ஆஃப் ஆல் டைம் திரைப்படம் சூப்பர் ஹிட் ஆகி வசூல் சாதனை படைத்தது. இந்த படம் திரையரங்குகளில் வெற்றிகரமாக ஓடியது. அடுத்ததாக சிவகார்த்திகேயனை வைத்து வெங்கட் பிரபு அடுத்த படத்தை இயக்குவதாக செய்திகள் உலா வந்தது. சிவகார்த்திகேயன் தற்போது அமரன் திரைப்படத்தில் நடித்து முடித்துள்ளார்.

இந்த படம் விரைவில் ரிலீஸ் ஆக உள்ளது. இப்போது புதிய தகவல் ஒன்று வெளியாக உள்ளது. வெங்கட் பிரபு சூப்பர் ஸ்டார் ரஜினிகாந்தை வைத்து தான் அடுத்த படத்தை இயக்கப் போவதாக கூறப்படுகிறது. சூப்பர் ஸ்டார் ரஜினிகாந்த் நடிப்பில் சமீபத்தில் ரிலீசான வேட்டையன் திரைப்படம் சூப்பர் ஹிட் ஆனது.

அடுத்ததாக லோகேஷ் கனகராஜ் இயக்கத்தில் உருவாகும் கூலி திரைப்படத்தில் ரஜினிகாந்த் பிசியாக நடித்துக் கொண்டிருக்கிறார். அதன் பிறகு ஜெயிலர் 2 திரைப்படத்திலும் நடிக்க உள்ளார். அப்படி இருக்க வெங்கட் பிரபு படத்தில் ரஜினிகாந்த் எப்போது நடிப்பார் என்பது தெரியவில்லை. இந்த படத்தை லைக்கா நிறுவனம் தயாரிப்பதாக கூறப்படுகிறது. இது குறித்த கூடுதல் தகவல் விரைவில் வெளியாகும் என எதிர்பார்க்கப்படுகிறது.