அமைச்சரவையில் இடம்பெறும் விசிக.. அமைச்சராக பதவியேற்கும் வன்னி அரசு… உறுதி செய்த முதல்வர் விஜய்..!!

முதலமைச்சர் விஜய் தலைமையிலான புதிய அமைச்சரவையில் விடுதலைச் சிறுத்தைகள் கட்சி (விசிக) இடம்பெறுவதை அவர் உறுதி செய்துள்ளதாக ஒரு முக்கிய தகவல் வெளியாகியுள்ளது. இந்த அறிவிப்பின்படி, விசிக சார்பில் தேர்ந்தெடுக்கப்பட்ட இரண்டு சட்டமன்ற உறுப்பினர்களில் ஒருவரான வன்னி அரசு இன்று அமைச்சராகப் பொறுப்பேற்க உள்ளதாகக் கூறப்படுகிறது. மேலும், விசிக தலைவர் தொல். திருமாவளவனும் இந்த அமைச்சரவையில் இணைந்து அமைச்சராகப் பதவியேற்க வேண்டும் என்று விஜய் விரும்புவதாகவும் அரசியல் வட்டாரத் தகவல்கள் தெரிவிக்கின்றன.

ஒருவேளை இந்த அழைப்பை விசிக தலைவர் திருமாவளவன் ஏற்றுக் கொள்ளும் பட்சத்தில், அவர் திருச்சி கிழக்குத் தொகுதியில் பானை சின்னத்திலேயே போட்டியிடலாம் என்று விஜய் கூறியுள்ளதாகவும் அந்தச் செய்தியில் குறிப்பிடப்பட்டுள்ளது. தமிழக அரசியல் களம் தவெக மற்றும் விசிக இடையேயான இந்த புதிய கூட்டணி மற்றும் அமைச்சரவைப் பங்கீடு குறித்த விவாதங்களால் தற்போது பெரும் பரபரப்பை சந்தித்து வருகிறது.