திமுக கூட்டணியில் புதிய சர்ச்சை… திடீரென விஜய்க்கு ஆதரவு தெரிவித்த திருமாவளவன்… செம ஷாக்கில் ஸ்டாலின்…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் நிலையில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. ஒரு பக்கம் முதல்வர் ஸ்டாலின் மீண்டும் திமுக ஆட்சியை தமிழகத்தில் அமைத்து விடலாம் என்ற நம்பிக்கையோடு கூட்டணியை பலப்படுத்தும் முயற்சியில் ஈடுபட்டு வருகின்றார். மறுபக்கம் பாஜகவுடன் கூட்டணி வைத்துள்ள அதிமுக இந்த முறை தங்கள் ஆட்சி தான் அமையும் என்ற நிலைப்பாடோடு உள்ளது. இவர்களுக்கு நடுவே மக்களுக்கு புதிய விடியலை தரப்போகிறேன் என்று நடிகர் விஜய் களத்தில் இறங்கியுள்ளார்.

சமீபத்தில் TVK இரண்டாவது மாநில மாநாடு பிரம்மாண்டமாக நடைபெற்ற நிலையில் திமுக தான் தங்களுக்கு ஒரே எதிரி எனவும் விஜய் கூறியிருந்தார். தற்போது முழுமையாக விஜய் அரசியலில் களமிறங்கியுள்ள நிலையில் அடுத்தடுத்து காய் நகர்த்தி வருகிறார்.  இதனைத் தொடர்ந்து விஜயின் முதல் சுற்று பயணத்திற்கு பல கட்டுப்பாடுகளை விதித்து காவல்துறையினர் அனுமதி மறுத்திருந்தனர். இந்நிலையில் விஜயின் பிரச்சார பயணத்திற்கு காவல்துறை அனுமதி மறுத்து இருந்தால் அதை ஏற்புடையது அல்ல என திருமாவளவன் தெரிவித்துள்ளார்.

ஜனநாயகத்தில் அனைவருக்கும் கருத்து, செயல் சுதந்திரம் உள்ளதாகவும், அந்த வகையில் விஜய்க்கு அனுமதி வழங்க வேண்டும் என்றும் அவர் கூறியுள்ளார். ஆனால் எந்த காரணத்துக்காக அவரின் பயணத்திற்கு அனுமதி மறுக்கப்பட்டது அல்லது காலம் தாழ்த்தப்பட்டது என்பதை தான் இன்னும் அறியவில்லை என்றும் அவர் கூறியுள்ளார். திடீரென விஜய்க்கு திருமாவளவன் ஆதரவு தெரிவித்துள்ளது ஸ்டாலினுக்கு அதிர்ச்சியாக அமைந்துள்ளது.